Stafræna markaðsstofan The Engine, sem er dótturfyrirtæki Pipar\TBWA, hefur nú opnað í Kaupmannahöfn. The Engine var nýlega valið eitt af tíu bestu netmarkaðsfyrirtækjum Evrópu. Þetta kemur fram í tilkynningu.

„Það styrkir talsvert stöðu The Engine að vera með skrifstofur í fleiri borgum. Nú erum við með skrifstofur í Reykjavík, Osló og Kaupmannahöfn. Samstarfsaðilar okkar í Kaupamannahöfn ákváðu að vinna undir okkar merkjum og eigum við það fyrirtæki með þeim en vinnan fer fram eftir okkar forskrift,“ segir Guðmundur Pálsson, framkvæmdastjóri Pipar\TBWA.

„Hugmyndin með samstarfinu er að The Engine verði álitlegasti kosturinn þegar skoða á markaðssetningu á samnorrænum markaði. Nú þegar eru komnir samstarfsaðilar í Svíþjóð og Finnlandi og munum við sjá til hvort stofur undir sama nafni muni opnar þar líka.”

Stjórnarformaður The Engine í Kaupmannahöfn stofnaði auglýsingastofuna TBWA í þar í borg og á að baki um 40 ár í auglýsingageiranum. Hann hefur unnið fyrir mörg af stærstu vörumerkjum Norðurlanda á alþjóðamarkaði og stærstu vörumerki heims fyrir Norrænan markað.