Bandaríski rafbílaframleiðandinn Tesla opnar starfsstöð við Krókháls í dag. Brátt munu landsmenn geta prufukeyrt glænýja Tesla rafmagnsbíla og fjárfest í grænni framtíð. Eigendur rafmagnsbíla frá Tesla geta nú loks fengið almennilega þjónstu fyrir bíla sína.
Þá stendur til að setja upp þrár öflugar hraðhleðslustöðvar á fjórum stöðum á landinu, í Reykjavík, á Kirkjubæjarklaustri, Egilsstöðum og við Staðarskála í náinni framtíð. Slíkar stöðvar hlaða rafbíla á um hálftíma.
Athafnamaðurinn og geimfarinn Gísli Gíslason flutti inn Teslu-bíla fyrir nokkrum árum í gegnum fyrirtæki sitt Even. Þá hafi rafbílaframleiðandinn sagt að það væri einfaldlega ekki markaður fyrir Tesla á Íslandi og ákvað Gísli þá að flytja inn bílana sjálfur.
Salan á bílunum gekk vel og voru þónokkrir bílar pantaðir. Fyrirtækið varð þó gjaldþrota árið 2016 eftir að 50 bílar skiluðu sér aldrei til Evrópu og Íslands til afhendingar á réttum tíma. Fyrirtækið hafi ekki haft bolmagn til að lifa af slíkar tafir.
Gísli birti mynd rétt í þessu frá opnun Tesla á Íslandi í dag en hann er þar staddur ásamt starfsmönnum Tesla til að fagna opnuninni. Þá hefur Tesla ákveðið að nú sé markaður fyrir rafmagnsbílana á Íslandi.
Sala rafbíla hefur aukist um 52 prósent á fyrri helmingi ársins hérlendis samanborið við fyrri helming síðasta árs. Íslendingar eru í öðru sæti meðal Evrópuþjóða þegar litið er til hlutdeildar seldra rafbíla af seldum nýjum bílum í hverju landi fyrir sig. Norðmenn sitja í efsta sætinu.
Athafnamaðurinn Elon Musk, stofnandi rafbílaframleiðandans Tesla, staðfesti opnunina á Twitter fyrir nokkru. Hann svaraði tísti Hjartar Brynjarssonar sem spurði hvenær útibú Tesla hér á landi myndi opna.
Opening on 9/9
— Elon Musk (@elonmusk) August 30, 2019
