Tempo, hlutdeildarfélag Origo, tilkynnti í dag um kaup á félaginu Roadmunk sem er í Ontario, Kanada. Roadmunk hefur þróað hugbúnað sem hjálpar fyrirtækjum að byggja upp, hanna og miðla stefnu fyrir hugbúnaðarvörur með sjónrænum hætti. Þetta kemur fram í tilkynningu til Kauphallarinnar.

Árlegar tekjur Roadmunk eru um 12,5 milljónir Bandaríkjadala, jafnvirði um 1,6 milljarða króna, og er félagið með jákvætt sjóðstreymi.

Kaupin er fjármögnuð af Tempo og engin ný hlutabréf eru gefin út vegna viðskiptanna.