Innlent

Taugatitringur í Kauphöllinni vegna WOW air

Icelandair Group nýtir góðs af óvissu vegna skuldabréfaútgáfu WOW air og hefur hækkað um 2,5 prósent.

Úrvalsvísitalan hefur lækkað um 0,6 prósent. Fréttablaðið/Sigtryggur Ari

Hlutabréfaverð í Kauphöllinni hefur almennt lækkað skömmu eftir opnun markaðar í morgun. Fjárfestar hafa áhyggjur af því að forsvarsmönnum WOW air muni ekki takast að ljúka skuldabréfaútboði með farsællegum hætti. Af þeim sökum hefur Icelandair Group hækkað um 2,5 prósent. Þetta segja sérfræðingar á verðbréfamarkaði.

N1 hefur lækkað um 4 prósent, Síminn um 2,4 prósent, Skeljungur um 2,2 prósent og Hagar um 2,2 prósent. Úrvalsvísitalan hefur lækkað um 0,6 prósent.

Eins og fram hefur komið í fjölmiðlum hyggst WOW air sækja um 6-12 milljarða króna til fjárfesta með útgáfu skuldabréfa til að treysta starfsemi fyrirtækisins. Greinendur norska verðbréfafyrirtækisins Pareto Securities, sem annast skuldabréfaútgáfuna, búast við því að WOW air muni tapa 31 milljón dala, jafnvirði 3,3 milljarða króna, eftir skatta á þessu ári. Þeir gera hins vegar ráð fyrir að viðsnúningur verði í rekstri flugfélagsins á næsta ári og að félagið hagnist þá um 17 milljónir dala. Til samanburðar tapaði WOW air 45 milljónum dala frá júlí 2017 til júní 2018.

Athugasemdir

Auglýsing
Auglýsing

Tengdar fréttir

Innlent

Í samstarf við risa?

Innlent

Þróa leiðir fyrir markaðssetningu í Kína

Innlent

Falla frá kaupréttum í WOW air

Auglýsing

Nýjast

Vilja marg­feldis­kosningu fyrir aðal­fund

O'Leary: Lág fargjöld grisjuðu WOW air út

Simmi hættur hjá Keiluhöllinni

Eim­skip breytir skipu­lagi og lækkar for­stjóra­launin

Varaformaðurinn kaupir fyrir fimm milljónir í Högum

Segir hörð átök skaða orðspor og afkomu

Auglýsing