Svanborg Sigmarsdóttir hefur verið ráðin framkvæmdastjóri Viðreisnar og hefur þegar tekið við starfinu. Þetta kemur fram í tilkynningu frá flokknum.
Svanborg, sem er stjórnmálafræðingur að mennt, hefur frá árinu 2019 starfað sem framkvæmdastjóri borgarstjórnarflokks Viðreisnar og verkefnastjóri sveitarstjórnarmála. Þar áður starfaði hún hjá Ríkisendurskoðun, Umboðsmanni skuldara, Varnarmálastofnun og sem blaðamaður á Fréttablaðinu.
Svanborg tekur framkvæmdarstjórastöðunni af Jenný Guðrúnu Jónsdóttur.
