Svana Huld Linnet hefur verið ráðin í starf forstöðumanns Fyrirtækjaráðgjafar Landsbankans. Þetta kemur fram í tilkynningu frá bankanum.

Tekur Svana við starfinu af Steingrími Helgasyni en hann lét af störfum hjá bankanum síðastliðinn þriðjudag, eins og greint var frá í Markaðinum.

Svana Huld starfaði hjá Fyrirtækjaráðgjöf Arion banka frá árinu 2010. Hún hafði yfirumsjón með fjárfestatengslum hjá Exista á árunum 2006-2010, var sérfræðingur á Skráningarsviði Kauphallarinnar á árunum 2001-2006 og starfaði sem verðbréfamiðlari hjá Búnaðarbankanum á árunum 1997-2001.

Svana Huld er viðskiptafræðingur að mennt og hefur auk þess lokið prófi í verðbréfaviðskiptum.