Stærsta ráðstefna á sviði sjálfbærni á Íslandi fer fram á milli klukkan níu og tólf í dag. Um er að ræða Janúarráðstefna Festu, sem ber yfirskriftina Á réttum forsendum! Þetta kemur fram í tilkynningu.

Hér er hægt að horfa á beina útsendingu af fundinum:

Þátttakendur í umræðum eru sérfræðingar og stjórnendur sem vinna að því að finna leiðir til að efla sjálfbærni fyrirtækja. Á ráðstefnunni verða framsögur tveggja þekktra fræðimanna sýnd en þau hafa leitt umræðu á alþjóðasviðinu þegar kemur að sjálfbærni og loftslagsmálefnum.

Katrin Bosworth er höfundur kleinuhringja hagfræðinnar (e. Doughnut Economics), hagfræðilíkan sem leitast eftir því að finna jafnvægi milli grunnþarfa mannkynsins innan þolmarka jarðarinnar (e. Planetery Bounderies). Johan Rockström forstöðumaður Potsdam Institute for Climate Impact Research í Þýskalandi hefur unnið að rannsóknum á þrautseigju vistkerfa jarðar.

Í kjölfar framsagna verða pallborðsumræður þar sem íslenskir fræðimenn og stjórnendur úr atvinnulífinu munu ræða helstu áskoranir á sviði sjálfbærni og loftslagsmála.

  • Hvernig getur fjármagn stuðlað markvisst að sjálfbærri framtíð? - Langtímahugsun og sýn fjárfesta! - Ásthildur Otharsdóttir, stjórnarformaður Frumtak Venture stýrir umræðum.
  • Breytingar á lögum og upplýsingagjöf um sjálfbæran rekstur: Hvað þýðir það fyrir atvinnulífið! Tómas N. Möller, formaður Festu stýrir umræðum.
  • Orkuskipti og hringrásarhagkerfið! - Aðalheiður Snæbjarnardóttir, sérfræðingur í sjálfbærni hjá Landsbankanum og fulltrúi Festu í Loftslagsráði stýrir umræðum.

Meðal þátttakanda eru:

  • Ásdís Kristjánsdóttir, aðstoðarframkvæmdastjóri SA
  • Andri Þór Guðmundsson, forstjóri Ölgerðarinnar
  • Hafdís Hanna Ægisdóttir, forstöðumaður Stofnun Sæmundar Fróða
  • Eva Margrét Ævarsdóttir - lögmaður og ráðgjafi á sviði sjálfbærni hjá LEX
  • Halla Hrund Logadóttir Orkumálastjóri