Innlent

Stofnendur kaupa Íslenska gámafélagið til baka

Jón Þórir hefur í dag tekið aftur við sem forstjóri félagsins og Ólafur við stöðu aðstoðarforstjóra.

Jón Þórir Frantzson forstjóri og Ólafur Thordersen aðstoðarforstjóri Íslenska gámafélagsins. Ljósmynd/Aðsend

Félag í eigu stofnenda Íslenska gámafélagsins, stjórnarformannsins Jóns Þóris Frantzsonar og Ólafs Thordersen, hefur fest kaup á meirihluta hlutafjár í félaginu og dótturfélagi þess, Vélamiðstöðvarinnar. 

Jón Þórir hefur í dag tekið aftur við sem forstjóri félagsins og Ólafur við stöðu aðstoðarforstjóra, en hann var áður framkvæmdastjóri þjónustusviðs Íslenska gámafélagsins. Eftir viðskiptin eru þeir Jón Þórir Frantzson og Ólafur Thordersen jafnframt stærstu einstöku hluthafar félagsins, að því er kemur fram í fréttatilkynningu um málið.

 Söluferli Íslenska gámafélagsins hófst í sumar þegar boðnir voru til sölu allir hlutir í félaginu í eigu eignarhaldsfélagsins Gufuness og framtakssjóðsins Auðar I slf. Fyrirtækjaráðgjöf Kviku hafði umsjón með söluferlinu en kaupverðið er trúnaðarmál.

„Þessi niðurstaða er mér mikið ánægjuefni og má kannski segja að fyrirtækið sé komið aftur heim, í hendur okkar sem stóðu að stofnun þess á sínum tíma. Ég hlakka til að halda áfram því góða og mikilvæga starfi sem unnið er hjá Íslenska gámafélaginu og vinna að frekari framgangi og uppbyggingu félagsins, með því góða fólki sem hér starfar,“ segir Jón Þórir Frantzson.

Hjá Íslenska gámafélaginu og dótturfélögum þess starfa um 300 manns, en aðalstarfsemi Íslenska gámafélagsins er almenn sorphirða og útleiga á gámum, bifreiðum og tækjum. Velta félagsins er tæpir fimm milljarðar króna, en heildareignir þess námu 5,5 milljörðum í lok árs 2017. Viðskiptavinir eru um 4.500 talsins og samanstanda af 2.800 fyrirtækjum og stofnunum, 1.700 einstaklingum og 23 sveitarfélögum. 

Athugasemdir

Auglýsing
Auglýsing

Tengdar fréttir

Innlent

Ingi­mundur lætur af for­mennsku ISAVIA

Innlent

Sam­eining lækkaði kostnað Festar um hálfan milljarð

Innlent

Rétt­lætis­mál að af­nema banka­skattinn

Auglýsing

Nýjast

Big Short-fjár­festir veðjar gegn bönkum í Kanada

Arnar Gauti tekur við af Guð­brandi

Norwegian refsað harðar en Boeing á mörkuðum

Upp­bygging Vestur­bugtar í upp­námi

Icelandair hækkar enn í kjöl­far WOW-vand­ræða

Festi kaupir hlut í Íslenskri orkumiðlun

Auglýsing