Innlent

Stjórn HB Granda sam­þykkir kaupin á Ögur­vík

​Stjórn HB Granda hefur samþykkt samning um kaup á öllu hlutafé í útgerðarfélaginu Ögurvík ehf. sem gerður var 7. september síðastliðinn. Jafnframt hefur stjórnin ákveðið að leggja hann fyrir hluthafafund í félaginu til samþykktar.

Stjórnin samþykkti kaupin á Ögurvík. Kaupverð er 12,3 milljarðar króna. Fréttablaðið/Eyþór

Stjórn HB Granda hefur samþykkt samning um kaup á öllu hlutafé í útgerðarfélaginu Ögurvík ehf. sem gerður var 7. september síðastliðinn. Jafnframt hefur stjórnin ákveðið að leggja hann fyrir hluthafafund í félaginu til samþykktar. 

Kaupverðið er 12,3 milljarðar króna en það byggir á niðurstöðum tveggja óháðra matsmanna að því er fram kemur í tilkynningu frá félaginu.

Viðskiptin eru háð samþykki Samkeppniseftirlitsins. Kaupin verða fjármögnuð með eigin fé og lánsfjármagni. Hlutabréfin verða afhent við greiðslu kaupverðs.

Ögurvík er í eigu útgerðarfélagsins Brim, félags Guðmundar Kristjánssonar sem nýverið settist í forstjórastól HB Granda. Brim keypti nýverið 34 prósent hlut í HB Granda.

Brim keypti Ögurvík á 11,5 milljarða fyrir tveimur árum og er söluhagnaðurinn því um 800 milljónir króna. Guðmundur sagði kaupin skynsamleg í samtali við Markaðinn í gær.

„Mín skoðun er alveg skýr: HB Grandi á að fjárfesta í veiðiheimildum. Mér er alveg sama hvort keypt er af mér eða öðrum. HB Grandi er almenningshlutafélag í sjávarútvegi og þarf að eiga veiðiheimildir,“ sagði Guðmundur, oft kenndur við Brim.

Athugasemdir

Auglýsing
Auglýsing

Tengdar fréttir

Markaðurinn

Hagnast um 900 milljónir við söluna

Innlent

Hlutabréf í Eimskip og Kviku rjúka upp

Innlent

Meniga semur við þriðja stærsta banka Suð­austur-Asíu

Auglýsing

Nýjast

Upp­ljóstrarinn beinir spjótum að Deutsche Bank

Sjóvá sendir frá sér afkomuviðvörun

Kaup­verðið á GAMMA 2,4 milljarðar króna

Samkaup boðar breytingar

Gylfi hættir sem forstjóri Eimskips

Svipmynd: Mikilvægt að fyrirtækið sé rétt stillt af

Auglýsing