Markaðurinn

Þorbjörn Atli og Gunnar hættir hjá Fossum

Þorbjörn Atli Sveinsson. Ljósmynd/Fossar

Gunnar Freyr Gunnarsson og Þorbjörn Atli Sveinsson, sem hafa starfað í teymi markaðsviðskipta Fossa markaða, hafa hætt störfum hjá félaginu. Tilkynntu þeir um uppsögn sína í gær, samkvæmt heimildum Fréttablaðsins. 

Gunnar og Þorbjörn Atli, sem áður störfuðu hjá Straumi fjárfestingabanka, voru á meðal þeirra sem stóðu að stofnun Fossa markaða vorið 2015. Gunnar á rúmlega sex prósenta hlut í félaginu á meðan eignarhlutur Þorbjörns Atla í Fossum er liðlega 5,4 prósent. 

Þá hefur Steingrímur Arnar Finnsson tekið sæti í framkvæmdastjórn félagsins sem framkvæmdastjóri markaðsviðskipta. Steingrímur hefur leitt uppbyggingu markaðsviðskipta Fossa frá stofnun, síðast sem forstöðumaður, og er breytingin liður í aðlögun að víðtækari starfsemi félagsins, að því er segir í fréttatilkynningu frá Fossum. 

Auk hans eiga sæti í framkvæmdastjórn samstæðunnar þau Haraldur I. Þórðarson forstjóri, Birna Hlín Káradóttir, framkvæmdastjóri lögfræðisviðs, Andri Guðmundsson, framkvæmdastjóri Fossa í Svíþjóð, og David Witzer, framkvæmdastjóri Fossa í Bretlandi.

Í tilkynningunni segir að frá því að Fossar markaðir hóf starfsemi fyrir tæpum þremur árum hafi umfang starfseminnar tekið töluverðum breytingum og nú sé svo komið að fyrirtækið rekur skrifstofur í þremur löndum með margþætta þjónustu við innlenda og alþjóðlega fjárfesta. 

Samhliða auknum umsvifum hefur starfsmannahópurinn tekið nokkrum breytingum en á síðasta ári hófu níu starfsmenn störf hjá félaginu.

Fréttin var uppfærð kl. 13:06. 

Gunnar Freyr Gunnarsson.
Steingrímur Arnar Finnsson.

Athugasemdir

Auglýsing
Auglýsing

Tengdar fréttir

Innlent

Hækkun snerist í lækkun eftir fréttir af WOW

Innlent

Tvö framboð til stjórnar VÍS dregin til baka

Innlent

At­lants­olía vildi kaupa elds­neytis­stöðvar af N1

Auglýsing

Nýjast

Fjárfesting Indigo í WOW nemi allt að 9,4 milljörðum

Baldvin kaupir fyrir tugi milljóna í Eimskip

Icelandair hækkar verulega í fyrstu viðskiptum

Ferðamönnum mun að öllum líkindum fækka

Aurum Holding-málið ekki fyrir Hæstarétt

Mikil viðskipti með bréf Reita

Auglýsing