Stefán Ari Stefánsson hefur verið ráðinn í starf mannauðsstjóra RB. Stefán Ari hefur starfað undanfarin 19 ár hjá Valitor, fyrst sem sérfræðingur á fjármálasviði en síðustu níu ár hefur hann starfað sem mannauðsstjóri félagsins.
„Það er frábært að fá Stefán til lið við öflugan hóp starfsfólks hjá RB. Hann hefur víðtæka þekkingu á rekstri mannauðsmála sem mun nýtast vel í þeim verkefnum sem eru framundan eru hjá fyrirtækinu,“ segir Ragnhildur Geirsdóttir, forstjóri RB.
Greint er frá þessu í tilkynningu frá Reiknistofu bankanna. Þar segir að þegar Stefán starfaði hjá Valitor hafi hann borið ábyrgð á mannauðsmálum á Íslandi en einnig stýrt málaflokknum á starfsstöðvum fyrirtækisins í Danmörku og Bretlandi.
Stefán er með BS gráðu í viðskiptafræði frá Háskóla Íslands og útskrifast með MBA gráðu frá Háskólanum í Reykjavík nú í vor.
