Erlent

Starfsmaður Huawei ákærður fyrir njósnir

Pólska lögrelgan hefur ákært Kínverja og Pólverja fyrir njósnir gegn Póllandi.

Talsmaður Huawei sagði að fyrirtækið sé meðvitað um málið og verið væri að kanna það. NordicPhotos/GettyImages

Lögreglan í Póllandi hefur handsamað og ákært sölustjóra Huawei Technologies, sem er kínverskur en starfar í landi, fyrir njósnir um pólsk stjórnvöld fyrir Kína. Þetta kemur fram í frétt The Wall Street Journal.

Í desember var fjármálastjóri kínverska tæknifyrirtækisins handtekinn í Bandaríkjunum því þar í landi er litið á fyrirtækið sem ógn við þjóðaröryggi og forskot Bandaríkjanna í tækniþróun.

Pólska lögreglan leitaði á skrifstofu Huawei og heimili hins grunaða og tók skjöl og stafræn gögn.

Lögreglan segir að hinn grunaði, sem ekki hefur verið nafngreindur, hafi útskrifast frá einum af bestu leyniþjónustuskólum Kína. Hann hafi áður starfað fyrri ræðismann Kína í hafnarborginni Gdansk í Póllandi.

Lögreglan hefur einnig handsamað Pólverja, sem er einn af fyrrverandi stjórnendum stofnunar þar í landi sem annast þjóðaröryggismál. Sá stýrði tölvuöryggismálum og þekkti vel til hvernig pólsk stjónvöld dulkóðuðu skilaboð þeirra sem sátu í æðstu embættum.

Mennirnir tveir hafa verið ákærðir fyrir njósnir gegn lýðveldinu, segir lögreglan. Viðurlögin eru allt að tíu ár í fangelsi. Þeir hafa lýst yfir sakleysi sínu.

Talsmaður Huawei sagði að fyrirtækið sé meðvitað um málið og verið væri að kanna það. 

Athugasemdir

Auglýsing
Auglýsing

Tengdar fréttir

Erlent

JP Morgan notast við taugavísindi í ráðningum

Erlent

Worldpay selt fyrir 43 milljarða dala

Erlent

Verja sig gegn hluta­bréfa­lækkunum í Boeing

Auglýsing

Nýjast

Jón Diðrik fer úr stjórn Skeljungs

Líf og sál til liðs við Siðferðisgáttina

Sandra nýr verk­efna­stjóri Ís­lenska bygginga­vett­vangsins

Horner dregur framboð sitt til baka

Tómas Már tekur sæti í stjórn Íslandsbanka

Loðdýrabú á Íslandi rekin með tapi frá 2014

Auglýsing