Ís­lands­banki og Lands­bankinn spá því að Seðla­banki Íslands muni á­fram lækka stýri­vexti. Peninga­stefnu­nefnd Seðla­bankans á­kvað í síðasta mánuði að lækka stýri­vexti bankans um 0,5 prósent, úr 4,5 í 4 prósent.

Í Hag­s­já Lands­bankans segir greiningar­aðilar bankans meti það svo að um fyrsta skrefið hafi verið að ræða í vaxta­lækkunar­ferli bankans. Er því spáð að peninga­stefnu­nefnd muni lækka vexti um alls 1 prósent í skrefum á næstu misserum.

„Við teljum að það sem helst muni hafa á­hrif á á­kvörðunina nú sé annars vegar veiking krónunnar, sem dregur heldur úr líkum á vaxta­lækkun, og hins vegar lækkun verð­bólgu­væntinga fyrir­tækja, sem styður við að næsta skref í lækkun vaxta verði tekið,“ segir í Hag­s­já bankans.

Ís­lands­banki spáir því að peninga­stefnu­nefnd muni lækka vexti um 0,25 prósent við næstu vaxta­á­kvörðun þann 26. júní næst­komandi. Þá er því spáð að stýri­vextir haldi á­fram að lækka, lík­lega upp á hálft prósentu­stig á seinni helmingi þessa árs.

Hagsjá Landsbankans.

Stýriavaxtaspá Íslandsbanka.