At­hafna­maðurinn Skúli Mogen­sen og fjöl­skylda munu opna ný sjó­böð í Hval­firði þann 16. júlí.

Hvamms­vík og gamla náttúru­laugin þar hafa lengi verið vin­sæll staður fyrir ferða­menn og aðra gesti, en með nýju sjó­böðunum fjölgar laugum og eru nú alls átta laugar með mis­munandi hita­stigi. Tólf ára aldurs­tak­mark er fyrir gesti í sjó­böðin.

Hönnun sjóbaðanna tók mið af náttúrunni og sögunni, til að mynda er þjónustuhúsið byggt á gömlum braggagrunni frá stríðsárunum.

"Við fjöl­skyldan erum mjög spennt að opna sjó­böðin fyrir gesti og leyfa sem flestum að njóta Hvamms­víkur með okkur. Það er fátt betra fyrir líkama og sál en að vera úti í náttúrunni og njóta. Við segjum gjarnan að það sé ekki hægt að keppa við náttúruna og það á svo sannar­lega vel við í Hvamms­víkinni," segir Skúli Mogen­sen stofnandi Hvamms­víkur Sjó­baða.

Hann segir að það séu forréttindi að geta gengið um fjöll svo nálægt Reykjavík og endað svo í heitum sjóböðum eða í köldum sjónum.

„Við höfum verið ó­trú­lega heppin að vinna með frá­bæru fag­fólki á öllum sviðum að því að gera þennan draum að veru­leika og ég hlakka til að taka á móti gestum og bjóða þá vel­komna í Hvamms­vík Sjó­böð“, segir Skúli.

Sjóböðin verða opin daglega frá klukkan 11-22. Til að tryggja sem besta upplifun fyrir gesti og varðveita náttúruna og umhverfið þá er allt svæðið girt af við þjóðveg og því verða gestir að bóka aðgang fyrirfram á heimasíðunni til að komast inn á svæðið.

Fréttablaðið/Valli