Icelandair hefur ráðið Hákon Davíð Halldórsson sem forstöðumann framlínu á sölu- og þjónustusviði flugfélagsins. Hákon Davíð starfaði við þróun neytendaupplifunar (e. customer experience development) hjá Icelandair fram á mitt árið 2020 þegar hann tók við starfi forstöðumanns ferlaumbóta hjá Sýn. Hákon er með B.Sc. gráðu í alþjóðamarkaðsfræði frá Háskólanum í Reykjavík og hefur starfað lengst af sínum starfsferli í tækni- og fjarskiptageiranum, sem markaðsstjóri og í fleiri störfum hjá Opnum kerfum, sem sérfræðingur í CRM hjá Símanum og nú síðast í stafrænni umbreytingu hjá Sýn.

Hákon Davíð Halldórsson, nýr starfsmaður Icelandair.
Mynd/Aðsend

Líti í eigin barm

Í stað þess að leita að óvinum til að berjast við er oft heilbrigt að líta í eigin barm. VR með Ragnar Þór Ingólfsson í stafni sendi bönkum nýverið pillu um óhóflegan vaxtamun. Miðað við útreikninga VR ætti arðsemi bankanna að vera nokkur hund­ruð prósent sem er ekki raunin. Auk þess leiðir bankaskattur til meiri vaxtamunar en þekkist á hinum Norðurlöndunum. Hvað um það. Frá þjóðarsáttinni fyrir um þremur áratugum hafa laun hérlendis hækkað ríflega tvöfalt á við hin Norðurlöndin og verðbólgan sömuleiðis. Það kallar á hátt vaxtastig. Óskandi væri að verkalýðshreyfingin viðurkenndi sinn þátt í því.

Ragnar Þór Ingólfsson, formaður VR.