Innlent

Sig­rún Ragna í stjórn Creditin­fo Group

Ali Mazanderani, meðeigandi hjá Actis, sest einnig í í stjórn Creditinfo Group, í kjölfar þess að sjóðurinn jók við hlut sinn í fyrirtækinu í 20 prósent úr 10 prósentum.

Sigrún Ragna Ólafsdóttir, stjórnarmaður í Creditinfo Group. Fréttablaðið/Vilhelm

Sigrún Ragna Ólafsdóttir, fyrrverandi forstjóri VÍS og Mannvits, hefur tekið sæti í stjórn Creditinfo Group. Hún hefur setið í stjórn dótturfélags samstæðunnar á Íslandi frá árinu 2017. Þetta kemur fram í tilkynningu.

Fram kom í Markaðnum í dag að Ali Mazanderani, meðeigandi hjá Actis, muni taka sæti í stjórn Creditinfo Group, í kjölfar þess að sjóðurinn jók við hlut sinn í fyrirtækinu í 20 prósent úr 10 prósentum. 

Fyrir eru í stjórn Creditinfo Group þau Reynir Grétarsson stjórnarformaður, Nora Kerppola og Hákon Stefánsson.

Mazanderani hefur starfað sem framkvæmdastjóri hjá Actis frá árinu 2010 og hefur unnið við það að byggja upp ráðgjafa- og fjármálaþjónustu fyrir fjármálafyrirtæki.


Ali Mazanderani, meðeigandi hjá Actis,

Heimildir herma að sjóðurinn hafi alls fjárfest fyrir 17 milljónir evra, jafnvirði 2,3 milljarða króna, í Creditinfo.

Actis fjárfesti upphaflega í Creditinfo árið 2016. Fyrirtækið er leiðandi fjárfestir í Asíu, Afríku og Rómönsku-Ameríku.

Fjárfestingasjóðurinn keypti nú tíu prósenta hlut af Reyni stjórnarformanni fyrirtækisins sem á 68 prósenta hlut eftir söluna.

Creditinfo hefur sótt fram á vanþróaðri mörkuðum sem eru í örum vexti. Fyrirtækið hefur opnað yfir 30 starfsstöðvar í fjórum heimsálfum, þar af rekur það ellefu skrifstofur í Afríku, og er með viðskipti í 45 löndum. 

Fram hefur komið í Markaðnum að félagið hafi vaxið um 15 prósent á ári býsna lengi. Veltan var um 38 milljónir evra í fyrra, jafnvirði 5,2 milljarða króna.  

Athugasemdir

Auglýsing
Auglýsing

Tengdar fréttir

Innlent

Bætti við sig í Marel fyrir 550 milljónir

Innlent

Gert að greiða slita­búi Lands­bankans 30 milljónir evra

Innlent

Tanya Zharov kemur ný inn í stjórn Sýnar

Auglýsing

Nýjast

JP Morgan notast við taugavísindi í ráðningum

Fjárfestar setja skilyrði um #MeToo ákvæði

4,4 milljóna gjald­þrot pítsu­staðar

„Berja bumbur með slagorðum úr kommúnískri fortíð“

Segir skilninginn ríkari hjá norskum stjórn­mála­mönnum

Worldpay selt fyrir 43 milljarða dala

Auglýsing