Sigurbjörn Gunnarsson framkvæmdastjóri Lyfju lætur af störfum eftir tólf ára hjá fyrirtækinu. Sigríður Margrét Oddsdóttir hefur verið ráðin framkvæmdastjóri Lyfju í hans stað og mun hefja störf 1. febrúar næstkomandi. 

Sigríður lét sjálf af störfum hjá Já í vikunni. Hún situr í stjórn Viðskiptaráðs Íslands og er jafnframt formaður nýsköpunarhóps ráðsins. Enn fremur situr hún í skólanefnd Verzlunarskóla Íslands. Sigríður er með B.Sc. gráðu í rekstrarfræðum frá Háskólanum á Akureyri og hefur hún einnig sótt stjórnendanámskeið hjá IESE Business School og Harvard.

„Ég hef alltaf haft mikinn áhuga á viðskiptum, nýsköpun, tækni og markaðsmálum en umfram allt hef ég leitast við að vinna með góðu fólki að góðum verkum. Lyfja er einstakt fyrirtæki sem lætur sig samfélagið varða og sinnir mikilvægri þjónustu um allt land. Ég hlakka því til að móta framtíð félagsins með öflugum hópi starfsmanna og nýjum eigendum félagsins,“ segir Sigríður Margrét.