Innlent

Sala Domino's á Íslandi jókst um tæp 5 prósent

​Sala Domino’s á Íslandi á þriðja fjórðungi ársins jókst um 4,6 prósent frá sama tíma í fyrra. Til stendur að opna tvo nýja pitsustaði í þessum ársfjórðungi.

Vörusala Pizza-Pizza ehf., sem á og rekur Domino’s á Íslandi, nam tæpum 5,5 milljörðum króna í fyrra. Fréttablaðið/Eyþór

Sala Domino’s á Íslandi á þriðja fjórðungi ársins jókst um 4,6 prósent frá sama tímabili í fyrra, að því er fram kemur í tilkynningu móðurfélagsins, Domino’s Pizza Group, sem birt var í kauphöllinni í Lundúnum í morgun.

Salan hér á landi jókst um 0,6 prósent á samanburðargrundvelli (e. like-for-like). Í tilkynningunni kemur fram að Domino’s á Íslandi státi enn af því að vera með hæstu meðaltalssölu á hvern pitsustað sé litið til allra markaða móðurfélagsins.

Í tilkynningunni er jafnframt greint frá áformum um að opna tvo nýja staði hér á landi í þessum ársfjórðungi en staðirnir eru nú 23 talsins. Hafa stjórnendur keðjunnar sagst telja að hér megi reka allt að 30 staði.

Eins og greint var frá í síðasta mánuði nam vörusala Pizza-Pizza ehf., sem á og rekur Domino’s á Íslandi, tæpum 5,5 milljörðum króna á síðasta ári og jókst um 9,6 prósent frá fyrra ári þegar hún var um 5,1 milljarður króna.

Pizza-Pizza hagnaðist um ríflega 2,2 milljarða króna í fyrra, borið saman við 229 milljónir króna árið 2016, en aukningin skýrist að langmestu leyti af söluhagnaði eignarhluta á síðasta ári upp á meira en 1,7 milljarða króna.

Domino’s Pizza Group, sérleyfishafi pitsukeðjunnar í Bretlandi, bætti sem kunnugt er við hlut sinn í Pizza-Pizza í desember í fyrra og á nú 95 prósenta hlut í félaginu.

Athugasemdir

Auglýsing
Auglýsing

Tengdar fréttir

Innlent

Krónan veikst um meira en 2 prósent gagnvart pundinu

Innlent

Hagnaður Skeljungs jókst um 63 prósent

Innlent

Vilja svör um hvort skatt­skrá hafi verið af­hent með fyrir­vara

Auglýsing

Nýjast

Seðla­bankinn skoðar eigin verk­lag eftir dóminn

Skipta­stjóri til­kynnti Rosen­berg til ­sak­sóknara

43 milljóna króna gjald­þrot Rosen­berg

Bjóð­a Katr­ín­u á fund til að ræða Seðl­a­bank­a­mál­ið

Leig­u­v­erð hækk­að meir­a utan borg­ar­inn­ar en innan

Már upptekinn í útlöndum

Auglýsing