Innlent

Róbert Aron ráðinn framkvæmdastjóri Festis

Festir stendur meðal annars að uppbyggingu íbúða í Vogabyggð.

Róbert Aron hefur verið stjórnarmaður fasteignaþróunarfélagsins um nokkurra ára skeið.

Fasteignaþróunarfélagið Festir ehf., sem stendur meðal annars að uppbyggingu í Vogabyggð, hefur ráðið Róbert Aron Róbertsson sem framkvæmdastjóra en hann hefur verið stjórnarmaður félagsins um nokkurra ára skeið. Róbert situr einnig í stjórnum Festingar og Samskipa.

Þetta kemur fram í tilkynningu frá félaginu en Festir er í eigu Ólafs Ólafssonar, fjárfestis. Róbert, sem er viðskiptafræðimenntaður, hóf störf fyrir Kjalar árið 2007 en frá árinu 2009 hefur hann sinn fjölbreyttum verkefnum á sviði fjármálaráðgjafar, meðal annars fyrir Festir.

Heimir Sigurðsson, stjórnarformaður Festis, segir Róbert koma inn á góðum tímapunkti í félagið. „Róbert hefur starfað í stjórn félagsins um langt skeið og hefur yfirgripsmikla þekkingu á málefnum þess og getur leitt uppbygginguna næstu misserin. Við stöndum á vissum tímamótum í starfsseminni með nokkur stór og viðamikil verkefni sem við hyggjumst byggja framtíð félagsins á. Inn í þá vinnu er reynsla Róberts dýrmæt því ég veit að hann hefur þann drifkraft sem þarf til að mæta verkefnum sem eru framundan í starfseminni.“

Auk uppbyggingar í Vogabyggð, þar sem samtals 7.000 fermetrar af byggingum í eigu Festis verða rifnar áður en framkvæmdir hefjast, þá tekur Festir þátt í viðamiklu verkefni við Héðinsreit, að því er fram kemur í tilkynningunni. Reiknað er með með að framkvæmdir við um 200 íbúðir hefjist þar snemma á næsta ári en þegar hefur verið lagður mikill metnaður í undirbúning og hönnun. Festir á einnig Suðurlandsbraut 18 þar sem áform hafa verið uppi um stækkun.   

Athugasemdir

Auglýsing
Auglýsing

Tengdar fréttir

Innlent

Nýsköpunarsjóður atvinnulífsins seldi fyrir 690 milljónir

Fjártækni

Fjár­­tæknin leggi hefð­bundna banka­­þjónustu af

Innlent

Sam­keppnis­eftir­litið að verða ríki í ríkinu

Auglýsing

Nýjast

Erlent

Kusu gegn vantrausti á stjórnarformanninn

Innlent

Einn stofnenda Heimavalla færði bréf á milli félaga

Innlent

Hampiðjan skoðar kaup á spænsku félagi

Innlent

Líkur á að krónan verði áfram sterk

Viðskipti

Bréfin lækkuðu um 11 prósent frá útboðsgengi

Viðskipti

Hækka verðmat sitt á Högum

Auglýsing