Innlent

Þróa gervigreind fyrir ferðamannageirann

​Tölvunarfræðideild Háskólans í Reykjavík og sprotafyrirtækið Travelade hafa skrifað undir samstarfssamning sem felur í sér þróun gervigreindar fyrir ferðamannageirann.

Andri Heiðar Kristinsson, stofnandi og framkvæmdastjóri Travelade, og Gísli Hjálmtýsson, deildarforseti tölvunarfræðideildar HR.

Tölvunarfræðideild Háskólans í Reykjavík og sprotafyrirtækið Travelade hafa skrifað undir samstarfssamning sem meðal annars felur í sér að nemendur í tölvunarfræði við HR muni vinna meistaraverkefni í samvinnu við fyrirtækið.

Fyrsta verkefnið er að þróa nýja lausn sem nýtist ferðamönnum hér á landi við að finna afþreyingu í samræmi við áhuga hvers og eins. Með gervigreindartækni verður útbúið nýtt meðmælakerfi sem byggist á gögnum um hegðun notenda á vef Travelade. Verkefnið er stutt af Tækniþróunarsjóði Rannís.

Meðmælakerfi sem gæti gjörbreytt leitinni að afþreyingu

„Við leggjum mikla áherslu á að nemendur okkar hafi kost á að vinna að fjölbreyttum verkefnum með fyrirtækjum. Þessi samningur gerir okkur kleift að bæta í þá flóru og bjóða meistaranemum að taka þátt í mjög spennandi þróunarstarfi hjá vaxandi íslensku sprotafyrirtæki. Við erum mjög ánægð með það,“ er haft eftir Gísla Hjálmtýssyni, deildarforseta tölvunarfræðideildar HR.

„Í dag eru meðmælakerfi í ferðageiranum öll fremur almenn, það er, þau byggjast að öllu leyti á einfaldri stjörnugjöf en raunveruleikinn er mun margslungnari en það. Það væri t.d. miklu gagnlegra fyrir mig að sjá stjörnugjöf frá fólki sem hefur svipaðan ferðastíl og ég, er á svipuðum aldri og hefur sambærileg áhugamál. Með samstarfinu við HR vonumst við til að taka skref í þá átt að sérsníða meðmælakerfi fyrir ferðamenn sem gæti gjörbreytt því hversu auðvelt er fyrir ferðamenn að finna afþreyingu við sitt hæfi,“ segir Andri Heiðar Kristinsson, stofnandi og framkvæmdastjóri Travelade.

Markhópurinn „AirBnB kynslóðin“

Travelade er upplýsinga- og bókunarvefur fyrir ferðamenn sem hefur vaxið ört frá því að hann fór í loftið síðastliðið sumar. Þjónustan er nú aðgengileg fyrir ferðamenn á leið til Íslands, Finnlands og Bosníu en fleiri lönd munu bætast við í sumar. Markhópur vefsins er hin svokallaða „AirBnB kynslóð“, þ.e. fólk sem skipuleggur ferðir sínar sjálft á netinu og notast ekki við ferðaskrifstofur eða kaupir tilbúnar pakkaferðir. Andri Heiðar Kristinsson, fyrrum þróunarstjóri hjá LinkedIn í San Francisco, og Hlöðver Þór Árnason, fyrrum tæknistjóri hjá Já, stofnuðu Travelade í ársbyrjun 2017 og í desember síðastliðnum lauk félagið 160 milljóna króna fjármögnun sem leidd var af Crowberry Capital.

Athugasemdir

Auglýsing
Auglýsing

Tengdar fréttir

Tækni

Huawei atast í Apple

Innlent

Askja hagnaðist um 368 milljónir

Innlent

Vonbrigði með litla lækkun á tryggingagjaldi

Auglýsing

Nýjast

Com­cast býður 30 milljarða punda í Sky

Skotsilfur: Ótraust bakland

Birkir Hólm ráðinn forstjóri Samskipa

Seðlabankinn skoðar útgáfu á rafkrónum

Medis hagnaðist um 1,8 milljarða

Ný í­búð kostar að meðal­tali 51 milljón

Auglýsing