Innlent

Risasamruni í ferðaþjónustunni genginn í gegn

Into the Glacier rekur íshelli í Langjökli.

Arctic Adventures hf. og Icelandic Tourism Fund (ITF) hafa gert samkomulag um sameiningu Into the Glacier ehf. og Arctic Adventures. 

Þetta kemur fram í fréttatilkynningu en ITF hefur einnig selt Arctic Adventures hluti í fjórum afþreyingarfyrirtækjum í ferðaþjónustu sem eru með starfsemi víðsvegar um landið; Óbyggðasetrinu í Fljótsdal, Raufarhólshelli, Borea Adventures á Ísafirði og leiksýningunni „Icelandic Sagas - The greatest hits“ sem sýnd er í Hörpu.

Jón Þór Gunnarsson forstjóri Arctic Adventures segir markmið félagsins vera að skapa öflugt og samkeppnishæft félag sem sé betur í stakk búið til að takast á við þá alþjóðlegu samkeppni sem íslensk ferðaþjónusta á í. „Afþreying fyrir ferðafólk er lykilþáttur í íslenskri ferðaþjónustu og eiga fyrirtækin í þessum geira í sívaxandi alþjóðlegri samkeppni. Með sameiningu við Into the Glacier og kaupum í fjórum öðrum fyrirtækjum getur Arctic Adventures nú boðið upp á þjónustu í beinu samstarfi við ferðþjónustuaðila í öllum landshlutum sem skiptir okkur miklu máli.“

Helgi Júlíusson framkvæmdastjóri ITF segir að þessi viðskipti nú séu í takt við markmið sjóðsins um að byggja upp öflug ferðaþjónustufyrirtæki á sviði afþreyingar sem boðið geta fjölbreytta þjónustu og styrkt Ísland sem ferðamannastað allt árið um kring. „Samþætting þeirra félaga sem í hlut eiga mun án efa styrkja samkeppnishæfni þeirra og skapa þeim sterkari stöðu á alþjóðlegum markaði.“

Kaupverðið greitt með hlutafé

Samkomulagið um sameiningu Arctic Adventures og Into the Glacier felur í sér að Arctic Adventures hf. kaupir alla hluti í Into the Glacier ehf. af Icelandic Tourism Fund (ITF) og Sigurði Skarphéðinssyni framkvæmdastjóra Into the Glacier. Kaupverðið er greitt með hlutum í Arctic Adventures hf. sem þýðir að við sameininguna verða ITF og Sigurður Skarphéðinsson hluthafar í sameinuðu félagi. Viðskiptin byggja á mati fyrirtækjaráðgjafar Kviku á verðmæti fyrirtækjanna.

Ofangreint er gert með fyrirvara um samþykki Samkeppniseftirlitsins, niðurstöðu áreiðanleikakönnunar á fyrirtækjunum og í ákveðnum tilvikum samþykki annarra hluthafa í fyrirtækjunum.

Samanlögð velta 7 milljarðar

Into the Glacier rekur íshelli í Langjökli sem var opnaður árið 2015 og hefur aðsóknin verið góð allt frá opnun og rekstur gengið vel. Samanlögð velta Arctic Adventures og Into the Glacier árið 2018 er tæplega 7 milljarðar króna og hjá þeim starfa um 300 manns. Viðskiptavinir Arctic Adventures voru 250.000 á árinu og 63.000 manns heimsóttu íshellinn. 

Athugasemdir

Auglýsing
Auglýsing

Tengdar fréttir

Innlent

Krist­rún Tinna ráðin til Ís­lands­banka

Innlent

Við­ræðurnar loka­til­raun til að bjarga WOW

Innlent

Icelandair Group hækkar um meira en fjórðung

Auglýsing

Nýjast

Icelandair Group hefur viðræður við WOW air

Tekjur Isavia jukust um tíu prósent á milli ára

Nær helmingur við­skipta­krafna ISAVIA er gjald­fallinn

Ingi­mundur lætur af for­mennsku ISAVIA

Big Short-fjár­festir veðjar gegn bönkum í Kanada

Sam­eining lækkaði kostnað Festar um hálfan milljarð

Auglýsing