Þór­dís Kol­brún R. Gylfa­dótt­ir, ferðamála-, iðnaðar- og ný­sköp­un­ar­ráðherra, upplýsti á árs­fundi Lands­virkj­un­ar í dag að rík­is­stjórn­in hefði samþykkt fyr­ir nokkr­um vik­um að hefja viðræður um kaup rík­is­ins á eign­ar­hlut­um í Landsneti. Þetta kemur fram í frétt mbl.is.

Starfs­hóp­ur verður skipaður á næst­unni til þess að leiða viðræður um kaup rík­is­ins á fyr­ir­tæk­inu.

Landsnet er í meiri­hluta­eigu Lands­virkj­un­ar, sem á 65 prósenta hlut, og rek­ur all­ar meg­in­flutn­ings­lín­ur raf­magns hér á landi. RARIK á með 23 prósenta hlut, Orkuveita Reykjavíkur á sjö prósent og Orkubú Vestfjarða sex prósent.

Hún sagði að Ísland hafi fengið undanþágu frá þeirri kröfu, sem kveðið er á um í þriðja orkupakkanum, um að fullur aðskilnaður skuli vera á milli eigenda flutningsfyrirtækis frá öðrum fyrirtækjum á orkumarkaði, að því er fram kemur í frétt Vísis.

„Engu að síður liggur fyrir að öllum helstu hagsmunaaðilum hér á landi finnst slíkur eigenda-aðskilnaður skynsamlegur. Það er að segja: Að til lengri tíma litið sé óheppilegt að flutningsfyrirtækið Landsnet sé í eigu raforkuframleiðenda og dreifiveitna. Frá sjónarhóli neytenda er auðvitað augljóst að sjálfstæði flutningsfyrirtækisins stuðlar að jafnræði annarra aðila á markaði,“ sagði Þórdís Kolbrún.