Markaðurinn

Rannsaka frekar kaup N1 á Festi

Samkeppniseftirlitið vill rannsaka frekar kaup olíufélagsins N1 á Festi. Gert er ráð fyrir að niðurstaða eftirlitsins liggi fyrir um miðjan næsta mánuð.

Festi rekur meðal annars verslanir undir merkjum Krónunnar. Fréttablaðið/Ernir

Samkeppniseftirlitið telur ekki heppilegt að svo stöddu að ganga til sáttaviðræðna við olíufélagið N1 vegna kaupa félagsins á smásölufélaginu Festi, sem rekur meðal annars verslanir undir merkjum Krónunnar og ELKO. Eftirlitsstofnunin telur ástæðu til þess að rannsaka kaupin frekar að teknu tilliti til framkominna athugasemda N1, að því er fram kom í tilkynningu félagsins til Kauphallarinnar í dag.

Gert er ráð fyrir að niðurstöður eftirlitsins liggi fyrir í síðasta lagi 18. apríl næstkomandi. Gangi viðskiptin eftir er búist við því að þeim ljúki í lok annars ársfjórðungs.

Skrifað var undir samning vegna kaupa N1 á öllu hlutafé í Festi, sem er næst stærsta smásölufyrirtæki landsins, síðasta haust. Viðskiptin eru háð samþykki Samkeppniseftirlitsins sem hefur haft samkeppnisleg áhrif kaupanna til rannsóknar.

Samkvæmt kaupsamningnum er heildarvirði Festi 37,9 milljarðar króna sem verður greitt annars vegar með rúmlega 78 milljónum hluta í N1 á genginu 115, eða sem nemur 8.750 milljónum króna, og hins vegar með lántöku. 

Í tilkynningu N1 er rakið að félaginu hafi borist andmælaskjal frá Samkeppniseftirlitinu þann 24. febrúar síðastliðinn, en þar kom fram sú frumniðurstaða eftirlitsins að kaupin röskuðu samkeppni og yrðu ekki samþykkt án skilyrða.

Stjórnendur olíufélagsins lýstu sig ósammála mati Samkeppniseftirlitsins og komu athugasemdum sínum á framfæri. Samhliða var óskað eftir sáttaviðræðum og settar fram hugmyndir að skilyrðum. 

Samkeppniseftirlitið tilkynnti félaginu hins vegar í dag að stofnunin teldi ástæðu til þess að rannsaka málið frekar, líkt og áður sagði. Munu því ekki fara fram sáttaviðræður að sinni.

Athugasemdir

Auglýsing
Auglýsing

Tengdar fréttir

Markaðurinn

Áhrif yfirtökutilboðs ekki neikvæð

Dómsmál

Skeifu­bruna­máli Pennans vísað frá í Hæsta­rétti

Dómsmál

Kári lagði Stapa fyrir Hæsta­rétti og fær 24 milljónir

Auglýsing

Nýjast

Innlent

Guðmundur nýr forstjóri HB Granda

Innlent

Rann­veig skipuð að­stoðar­seðla­banka­stjóri

Markaðurinn

Aðalhagfræðingurinn vildi hækka vextina

Tækni

For­stjórinn hættir vegna sam­bands við starfs­mann

Innlent

Ávöxtun lífeyrissjóðanna batnaði verulega

Innlent

Gæti leitt til hærra verðlags

Auglýsing