Qair Group, sem er framleiðandi endurnýjanlegrar raforku, og Norðurál hafa undirritað viljayfirlýsingu um kaup á grænni raforku frá vindorkugörðum Qair, sem fyrirhugaðir eru á Vesturlandi.

Samanlagt uppsett afl vindgarðanna er áætlað um 200 MW. Að auki munu Qair og Norðurál sameina krafta sína að þróun lausnar til að fanga og binda koldíoxíð sem losnar við álvinnslu, en slík tækni hefur enn ekki litið dagsins ljós. Koldíoxíið myndi Qair nýta til framleiðslu á rafeldsneyti. (e. eFuel) í fyrirhugaðri vetnisverksmiðju Qair á Grundartanga.

Stefna Qair um að setja upp vindorkuver og selja rafmagn til Norðuráls á Grundartanga er í samræmi við fjölþætta nálgun Qair og byggir á einstökum möguleikum Íslands tengdum vind- og vatnsauðlindum auk skuldbindingar landsins til að þróa endurnýjanlega orkugjafa.

Qair er óháður framleiðandi endurnýjanlegrar orku með yfir 30 ára reynslu af þróun, uppsetningu og rekstri eigin vind-, sólar-, vatnsaflsorkuvera, auk grænnar vetnisframleiðslu. Qair starfar í 16 löndum víðsvegar um Evrópu, Mið- og Suður-Ameríku, Afríku og Asíu. Fyrirtækið stefnir að því að leiða á heimsvísu við framleiðslu endurnýjanlegri orku. Dótturfélag Qair Group, Qair Iceland, hefur frá árinu 2018 einbeitt sér að þróun endurnýjanlegrar orku á Íslandi. Félagið stendur að framleiðslu orku með vatnsafli í gegnum eignarhlut sinn í dótturfyrirtækinu Arctic Hydro og stefnir að uppsetningu um 900 MW af vindorku í landinu.