Origo hefur gerst bakhjarl Gulleggsins, stærsta frumkvöðlakeppni landsins. Gulleggið er ein vinsælasta frumkvöðlakeppnin á Íslandi þar sem háskólanemendur og almenningur geta tekið fyrstu skrefin í frumkvöðlasamfélaginu með því að umbreyta hugmynd í viðskiptatækifæri.

„Origo elskar að breyta góðri tækni í góða viðskiptahugmynd og lætur sitt ekki eftir liggja við að styðja verkefni sem hafa það að leiðarljósi að búa til tæknihugmyndir sem geta gert lífið betra,“ segir Jón Björnsson, forstjóri Origo.

Origo er einn af stærstu hluthöfum KLAK - Icelandic Startups en aðrir eigendur eru Háskóli Íslands, Háskólinn í Reykjavík, Nýsköpunarsjóður Atvinnulífsins og Samtök Iðnaðarins. Origo hefur stutt við starfsemi KLAK í gegnum árin, aðstoðað frumkvöðla og stuðlað að fjölgun sprotafyrirtækjum hérlendis.

„Fleiri bakhjarlar þýðir stærri keppni, fleiri tækifæri og meiri nýsköpun. Við fögnum því allan daginn að fá inn svo öflugt fyrirtæki í bakhjarlahópinn. Saga Origo er til fyrirmyndar, þau skilja og styðja nýsköpun núna sem og alltaf,“ segir Kristín Soffía Jónsdóttir, framkvæmdastjóri KLAK.

Jón Björnsson, forstjóri Origo, Dröfn Guðmundsdóttir, framkvæmdastjóri mannauðs hjá Origo og Kristín Soffía Jónsdóttir, framkvæmdastjóri KLAK - Icelandic Startups hafa í gegnum gott samstarf stuðlað að því styrkja enn frekar samstarf Origo og KLAK. Með undirritun samningsins gerist Origo nú formlegur bakhjarl Gulleggsins í fyrsta sinn.