Eig­endur Hótel Geysis stefna á að opna verslun í Hauka­dalnum aftur innan skamms.

Verslunum Geysis, sem voru í eigu Geys­ir shops ehf og Arctic shopping ehf, var lokað í byrjun febrúar og fé­lögin tvö tek­in til gjald­þrota­­skipta í mars.

Þar á meðal var ein verslun rekin í Hauka­dal.

Sam­kvæmt til­kynningu frá Hótel Geysi stendur til að opna verslun á ný í rýminu sem var áður í út­leigu til Geysir Shops ehf.

Geysis vörur, sem voru til sölu í verslunum Geysis, verða meðal annars til sölu í nýrri verslun og segir í til­kynningunni að þau hafi nú þegar hafið frekari vöru­þróun undir vöru­merki Geysis.

Þá sé einnig er á döfinni stækkun á þjónustu­byggingunni í Hauka­dal og að aðrar nýjungar verði kynntar innan tíðar.

Þrota­bú Geysir Shops ehf, sem leigði hús­næðið í Haukadal af Hótel Geysi, er enn hjá skipta­stjóra en frekari upp­lýsinga er að vænta í lok vikunnar.