Innlent

Nýtt markaðs­torg fyrir ferða­þjónustu

Með Travia getur gististaðurinn tekið á móti bókunum frá ferðaskrifstofum allan sólarhringinn þar sem það þarf í raun og veru ekki starfsmann til þess að svara spurningum um framboð gistirýma.

Haukur Birgisson, fjármálastjóri Godo.

Hugbúnaðarfyrirtækið Godo hefur kynnt nýja lausn fyrir gististaði og ferðaskrifstofur. Hugbúnaðurinn ber heitið Travia sem er eins konar markaðstorg þar sem ferðaskrifstofur geta tengst beint við gististaði. Þetta kemur fram í tilkynningu.

 „Með Travia er verið að sjálfvirknivæða gamla leið til þess að bóka hótel fyrir ferðaskrifstofur. Leiðin í dag er sú að ferðaskrifstofur hafa samband við mörg hótel til þess að finna laus herbergi fyrir ferðamenn. Oft þurfa ferðaskrifstofur að bíða í allt að 48 klukkustundir eftir svari hvort það sé laust eða ekki, svo þarf að bíða í annað eins eftir því að fá staðfestingu á bókun á viðeigandi gististað, en Travia leysir þennan vanda. Með Travia tengjum við saman ferðaskrifstofur og gististaði þannig að ferðaskrifstofur sjá laus herbergi á ákveðnum dagsetningum og geta því sent inn bókunarbeiðni eða bókað beint inn á laus herbergi hjá gististað án þess að þurfa að hafa samband í gegnum tölvupóst. Þetta sparar mjög mikinn tíma fyrir báða aðila," segir segir Haukur Birgisson, fjármála- og viðskiptastjóri Godo.

 Fyrirtækið hefur verið starfrækt síðan 2013 og hefur vaxið hratt síðastliðin ár. Godo er nú orðið eitt stærsta hugbúnaðarfyrirtæki á Íslandi í ferðaþjónustu, segir í tilkynningunni.

 „Með Travia getur gististaðurinn tekið á móti bókunum frá ferðaskrifstofum allan sólarhringinn þar sem það þarf í raun og veru ekki starfsmann til þess að svara spurningum um framboð gistirýma því ferðaskrifstofan hefur þetta allt fyrir framan sig hverju sinni. Eftir að ferðaskrifstofa bókar, berst bókunin beint inn í hótelkerfi gististaðarins, með öllum tilheyrandi upplýsingum. Að auki verður gististaðurinn sýnilegri á markaðstorginu og getur því aukið söluna í gegnum fleiri ferðaskrifstofur,“ segir Haukur.

Athugasemdir

Auglýsing
Auglýsing

Tengdar fréttir

Innlent

Mentis réttur eigandi að hlut í RB

Innlent

Hreint styrkir Votlendissjóð á afmælisdaginn

Innlent

Ásmundur setur Bríeti á laggirnar

Auglýsing

Nýjast

Iceland Seafood vill á aðalmarkað Kauphallar

Brunaútsala á öllu flugi hjá WOW

Helga Hlín segir sig úr til­nefningar­nefnd VÍS

Vextir Seðla­bankans ó­breyttir

Nýtt ­app Arion banka opið öllum

Sjóðir Eaton Vance bæta við sig í Arion

Auglýsing