Nafn­lausa pítsu­staðnum við Hverfis­götu 12 hefur verið lokað. Frá þessu er greint á Face­book-síðu hins nafn­lausa, en síðasta pítsan var af­greidd á sunnu­dag. 

Staðurinn vakti at­hygli fyrir ó­hefð­bundna rétti á borð við pipar­köku­pítsur og stökk grísa­eyru. Fram kemur á síðu veitinga­staðarins að nýr staður verði opnaður og fram­undan sé nýtt upp­haf. 

Síðasta pítsan á Hverfis­götunni var afgreidd á sunnudag og borin fram með truffluma­jónesi, að því er segir í færslunni. „Hlökkum til að segja ykkur frá nýja veitinga­staðnum á næstu dögum. Sjáumst á fimmtu­dag!“