Innlent

Mega ekki treysta skýjaþjónustu í blindni

„Við megum ekki halda að enginn hafi áhuga á litla Íslandi. Það er mikill misskilningur. Sömu ógnanir blasa við okkur og í öðrum löndum," segir öryggissérfræðingur hjá Origo.

Íslensk fyrirtæki standi frammi fyrir sömu ógnunum og fyrirtæki úti í heimi í ljósi ört vaxandi vinsælda skýjaþjónustu, segir Arnar S. Gunnarsson, öryggissérfræðingur hjá Origo, sem hélt erindi  á ShowMeCon-hakkararáðstefnunni í Bandaríkjunum. 

„Við megum ekki halda að enginn hafi áhuga á litla Íslandi. Það er mikill misskilningur. Sömu ógnanir blasa við okkur og í öðrum löndum,“ segir Arnar, en í erindi hans fjallaði hann um mikilvægi þess að treysta ekki söluaðilum skýjaþjónustu í blindni og slaka aldrei á öryggiskröfum. Þetta kemur fram í tilkynningu.

Arnar S. Gunnarsson, öryggissérfræðingur hjá Origo.

„Sífellt fleiri fyrirtæki hafa flutt lausnir og þjónustu yfir í skýið, enda er í mörgum tilvikum að ræða einfalda og hagkvæma lausn sem dregur úr fjárbindingu í upplýsingatækni kostnaði fyrirtækja. Það hefur orðið sprenging í fjölda fyrirtækja sem bjóða skýjaþjónustu og er það ánægjulegt að samkeppnin sé meiri en áður. Fyrirtæki sem kaupa slíka þjónustu mega þó alls ekki slaka á öryggiskröfum og því miður eru mörg dæmi um slíkt,“ segir Arnar

„Það er freistandi að klára málin með nokkrum smellum án þess að spyrja um ferla og verklag söluaðila. Reyndin er sú að mörg fyrirtæki hafa ekki unnið heimavinnuna sína nægilega vel og því miður hafa margir orðið fyrir ómældu tjóni, þar sem söluaðili skýjaþjónustu var ekki með nægilega öflugar öryggisvarnir gagnvart tölvuþrjótum eða óværu. Sá skaði á jafnt við um íslensk fyrirtæki eins og fyrirtæki úti í heimi,“ segir hann.

Athugasemdir

Auglýsing
Auglýsing

Tengdar fréttir

Innlent

Fasteignafélögin fengu meðbyr

Innlent

Skot­silfur: Leita til Logos og Deloitte

Innlent

Íslensk flugfélög geta samið um Síberíuflugleiðina

Auglýsing

Nýjast

Fasteignafélög fengið nær alla athyglina í dag

Enn syrtir í álinn hjá Snapchat

Hættir sem fram­kvæmda­stjóri hjá Origo

Arion semur við Citi um ráðgjöf vegna Valitor

Arion banki gefur út víkjandi skuldabréf

AGS segir Seðla­banka að af­nema inn­flæðis­höftin

Auglýsing