Hin mikla hækkun sem varð á verði hluta­bréfa í bankanum eftir sölu­ferlin bæði í fyrra og núna sýnir að þarna eru mikil verð­mæti sem eru að skipta um hendur, og ríkis­sjóður hefur gefið marga milljarða í af­slátt," segir Ás­geir Brynjar Torfa­son sér­fræðingur í fjár­málum um sölu á tæplega 22,5% hlut ríkisins í Íslandsbanka.

Veru­leg um­fram eftir­spurn var eftir hlut ríkisins í Ís­lands­banka sem aug­lýstur var til sölu síð­degis í gær. Eftir söluna á ríkið 42,5 prósent í bankanum og einkaaðilar 57,5 prósent, eða meirihluta.

Loka gengi í dag var 124,60 en var 122 í gær sem er 2,13 % hækkun en útboðsgengið var 117. Hluturinn sem var seldur var því virði 56,07 milljarða í lok dags eftir sölu sem er 3,42 milljarða króna hækkun.

,,Stofnanir hins opin­bera og traust til þeirra skipta miklu máli. Þess vegna er vinnu­lag Banka­sýslunnar og gagn­sæi í þeim störfum sem hún fer með fyrir hönd okkar al­mennings lykil­at­riði. Það hvernig verðið, eða af­slátturinn, var á­kvarðaður og þeir fjár­festar valdir sem fengu að kaupa hluti af ríkinu í öðru skrefi einka­væðingar Ís­lands­banka er því mikil­vægt að upp­lýsa, " segir Ás­geir Brynjar.