Innlent

Lántaka í fullu samræmi við eigendastefnu OR

​Formaður stjórnar Orkuveitunnar, Brynhildur Davíðsdóttir, segir í tilkynningu að lántaka hafi verið í fullu samræmi við eigendastefnu og arðsemismarkmið fyrirtækisins. Í eigendastefnu sé skýrt kveðið á um að rekstur Orkuveitunnar skuli skila eigendum arði.

Brynhildur Davíðsdóttir er formaður stjórnar Orkuveitu Reykjavíkur Fréttablaðið/Eyþór

Formaður stjórnar Orkuveitunnar, Brynhildur Davíðsdóttir, segir í tilkynningu að lántaka sem hefur verið til umfjöllunar í fjölmiðlum í dag og verið gagnrýnd hafi verið í fullu samræmi við eigendastefnu og arðsemismarkmið fyrirtækisins.

Greint var frá því í Fréttablaðinu í dag að stjórnarmaður í Orkuveitu Reykjavíkur segi það óviðunandi að félagið sé reglulega skuldsett til að uppfylla skilyrði til arðgreiðslu. Framkvæmdastjóri hjá Orkuveitunni segir bankalán fyrirtækisins einn lið í því að hækka veltufjárhlutfall.

Brynhildur segir í tilkynningunni að í eigendastefnu sé skýrt kveðið á um að rekstur Orkuveitunnar skuli skila eigendum arði. Stefnan var samþykkt af öllum þremur sveitarstjórnum eigenda fyrirtækisins, það er Reykjavíkurborg, Akranesi og Borgarbyggð, og að stjórnin skuli starfa í samræmi við vilja þeirra.

„Í tilefni ummæla stjórnarmanns í fjölmiðlum í dag bendi ég á að í eigendastefnunni, sem samþykkt var einróma í öllum þremur sveitarstjórnum eigenda fyrirtækisins, er kveðið á um að reksturinn skuli skila eigendum arði,“ segir Brynhildur í tilkynningunni.

Í stefnu er einnig skýrt kveðið á um arðsemismarkmið og segir Brynhildur að þau taki meðal annars mið af mörkum sem sett „eru sérleyfisrekstri í lögum og reglugerðum og metnaði til að samkeppnisrekstur á borð við raforkusölu til stórnotenda sé ábatasamur.“

Þó sé slíkur arður ekki greiddur út nema fjárhagsstaðan leyfi og til þess séu sex skilyrði. Hún segir að lokum að arðgreiðslur séu því eðlilegur þáttur útgjalda og að gert sé ráð fyrir þeim í fjárhagsspám.

Tilkynninguna er hægt að lesa hér að neðan í heild sinni. 

Frá formanni stjórnar Orkuveitu Reykjavíkur

Skýr eigendastefna Orkuveitu Reykjavíkur frá árinu 2012 átti mikinn þátt í að það tókst að reisa fjárhag fyrirtækisins við þannig að nú er hann traustur. Þess hafa viðskiptavinir notið með lækkun á ýmsum gjaldskrám síðustu misseri og einnig eigendur sem fengu greiddan arð af rekstrinum árið 2017. Það var í fyrsta skipti um árabil.

Í tilefni ummæla stjórnarmanns í fjölmiðlum í dag bendi ég á að í eigendastefnunni, sem samþykkt var einróma í öllum þremur sveitarstjórnum eigenda fyrirtækisins, er kveðið á um að reksturinn skuli skila eigendum arði.

Stjórn Orkuveitu Reykjavíkur ber að starfa í samræmi við þennan eindregna vilja allra eigendanna þriggja – Reykjavíkurborgar, Akraneskaupstaðar og Borgarbyggðar – og hefur sett rekstrinum og einstökum þáttum hans arðsemismarkmið. Þau taka meðal annars mið af þeim mörkum sem sett eru sérleyfisrekstri í lögum og reglugerðum og metnaði til að samkeppnisrekstur á borð við raforkusölu til stórnotenda sé ábatasamur. Arður er þó ekki greiddur út nema ljóst sé að fjárhagsstaðan leyfi og því hafa arðgreiðsluskilyrði, sex talsins, einnig verið sett. Þau eru almenningi aðgengileg á vefnum.

Arðgreiðslur eru því eðlilegur þáttur útgjalda Orkuveitu Reykjavíkur og er gert ráð fyrir þeim í fjárhagsspám OR, sem eru öllum aðgengilegar. Fjármögnun Orkuveitu Reykjavíkur, þar á meðal lánsfjármögnun, tekur mið af fyrirsjáanlegum tekjum og gjöldum og fjárhagslegum markmiðum í rekstrinum. Sú lántaka, sem sætir gagnrýni í fjölmiðlum í dag, var í fullu samræmi við allt ofangreint.

 

Brynhildur Davíðsdóttir formaður stjórnar Orkuveitu Reykjavíkur

Athugasemdir

Auglýsing
Auglýsing

Tengdar fréttir

Reykjavík

Segir Orkuveituna slá dýr lán fyrir arðgreiðslu

Innlent

Hættir sem fram­kvæmda­stjóri hjá Origo

Innlent

Arion semur við Citi um ráðgjöf vegna Valitor

Auglýsing

Nýjast

Arion banki gefur út víkjandi skuldabréf

AGS segir Seðla­banka að af­nema inn­flæðis­höftin

170 milljarða króna verðmæti í stangveiði

Mál gegn banka­ráðs­mönnum fellt niður

Ágúst og Lýður taldir eigendur Dekhill Advisors

Gengislekinn meiri og hraðari en áður

Auglýsing