Lands­virkjun hyggst eiga við­ræður við Rio Tin­to vegna stöðunnar sem upp er komin í rekstri ál­versins í Straums­vík. Leitast verður við að ná sam­eigin­legri sýn á stöðu mála en Lands­virkjun telur raf­orku­samning frá 2010 enn sann­gjarnan, að því er fram kemur í til­kynningu.

Líkt og fram hefur komið hafa for­svars­­menn Rio Tin­to greint frá því að allar leiðir verði kannaðar til að bregðast við þrengingum í rekstri ál­versins. Þar á meðal kemur til greina að loka ál­verinu al­farið. Um 500 manns vinna í ál­verinu og því ljóst að mörg störf eru í húfi.

For­svars­­menn fyrir­­­tækisins hafa fundað með Bjarna Bene­dikts­­syni, fjár­­mála-og efna­hags­ráð­herra, vegna erfið­leikanna. Þar er mat stjórn­endanna að raf­­orku­­samningur frá 2010 þrengi svo að starf­­seminni, að ekki verði við það lengur unað.

„Við sýnum því skilning að að­stæður fyrir­tækisins eru krefjandi og eigum í sam­tali við Rio Tin­to til þess að fá sam­eigin­lega sýn á stöðu mála,“ er haft eftir Herði Arnar­syni, for­stjóra Lands­virkjunar í til­kynningunni.

„Við höfum sagt og teljum á­fram að raf­orku­samningurinn sé sann­gjarn fyrir báða aðila og að það séu fleiri þættir en raf­orku­verðið sem hafa á­hrif á þeirra stöðu en þetta erum við að greina nánar í sam­einingu.“

Í til­kynningu Lands­virkjunar kemur fram að Lands­virkjun og ál­verið hafi átt í far­sælu og löngu við­skipta­sam­bandi frá stofnun. Nú­gildandi raf­orku­samningur hefur verið í gildi síðan 2010.

Sam­legðar­á­hrifin vegna starf­semi ál­versins mikil

Bæjar­stjóri Hafnar­fjarðar lýsti yfir miklum á­hyggjum vegna málsins í sam­tali við Frétta­blaðið fyrr í dag. Hún sagði ljóst að boltinn væri hjá ríkis­valdinu en fyrir­tækið hefði mikil sam­legðar­á­hrif á bæjar­fé­lagið.

„Við höfum auð­vitað á­hyggjur af þessu, enda al­var­­legt mál að fyrir­­­tækið sé komið á þennan stað. Við munum fylgjast náið með þessu á næstu vikum hvað gerist gagn­vart ríkis­valdinu, því boltinn er aug­­ljós­­lega þar,“ segir Rósa.

Hún segir að bæjar­yfir­­völd hafi í gegnum árin átt í mjög góðu sam­­starf við ál­verið og býst hún við að þar verði engin breyting á í ár. „En þetta er á­hyggju­efni, það er víst. Ekki bara er þetta stór vinnu­­staður heldur hefur hann sam­­legðar­á­hrif á önnur fyrir­­­tæki í bænum. Svo það hefur mikla þýðingu fyrir okkur að hann starfi á­­fram.“