Innlent

Lagt til að hluta­fé Icelandair Group verði aukið

Fréttablaðið/Ernir

Stjórn Icelandair Group vill fá heimild hluthafafundar til þess að auka hlutafé félagsins um allt að 960 milljónir króna að nafnvirði vegna kaupanna á WOW air. Þar af vill félagið hækka hlutaféð um allt að 350 milljónir króna að nafnvirði til þess að fjármagna kaupin. Tillögur þess efnis verða lagðar fyrir hluthafafund sem verður haldinn þann 30. nóvember næstkomandi. 

Fram kemur í tilkynningu Icelandair Group til Kauphallarinnar að þrjár tillögur verði lagðar fyrir hluthafafundinn.

Í fyrsta lagi er óskað samþykkis hluthafafundar á kaupum Icelandair Group á öllu hlutafé WOW air. 

Í öðru lagi er óskað eftir að stjórn Icelandair Group verði veitt heimild til þess að hækka hlutafé um allt að 335 milljónir króna að nafnvirði með áskrift nýrra hluta í félaginu. Skal útboðsgengið ákvarðast af kaupsamningi Icelandair og WOW air.

Í þriðja lagi vill félagið heimila stjórn að hækka hlutafé félagsins um allt að 625 milljónir króna að nafnvirði og selja það í útboði í tengslum við kaupin. Skal stjórn ákvarða útboðsgengi og greiðslukjör hinna nýju hluta og í hvaða áföngum heimildin verður nýtt. Er stefnt að því að hlutirnir, að hluta eða öllu leyti, verði boðnir þeim til kaups sem eru hluthafar í félaginu í dagslok 30. nóvember næstkomandi.

Tilkynnt var um kaup Icelandair Group á WOW air á mánudag. Eru kaupin meðal annars gerð með fyrirvara um samþykki hluthafafundar Icelandair Group, samþykki Samkeppniseftirlitsins og niðurstöðu áreiðanleikakönnunar.

Athugasemdir

Auglýsing
Auglýsing

Tengdar fréttir

Innlent

Ingi­mundur lætur af for­mennsku ISAVIA

Innlent

Sam­eining lækkaði kostnað Festar um hálfan milljarð

Innlent

Rétt­lætis­mál að af­nema banka­skattinn

Auglýsing

Nýjast

Big Short-fjár­festir veðjar gegn bönkum í Kanada

Arnar Gauti tekur við af Guð­brandi

Norwegian refsað harðar en Boeing á mörkuðum

Upp­bygging Vestur­bugtar í upp­námi

Icelandair hækkar enn í kjöl­far WOW-vand­ræða

Festi kaupir hlut í Íslenskri orkumiðlun

Auglýsing