Verð hlutabréfa Kviku banka hefur hækkað um 6,04 prósent í 45 milljóna króna viðskiptaum það sem af er degi.

Kvika birti í gær jákvæða afkomutilkynningu þar sem fram kom að útlit væri fyrir að afkoma bankans yrði á bilinu 830-880 milljónir króna á fyrsta ársfjórðungi. Helsta ástæða góðrar afkomu er sú að þóknunartekjur voru umfram áætlun, einkum vegna þess að markaðsaðstæður voru hagfelldar á fjórðungnum.

Áætlun Kviku fyrir árið 2019 gerir ráð fyrir 1.990 milljóna króna hagnaði fyrir skatta, án áhrifa af GAMMA Captial Management sem kom inn í samstæðu bankans 1. mars 2019. Bankinn mun birta uppfærða afkomuspá fyrir árið 2019 um leið og hún liggur fyrir.