Kristín Linda Árnadóttir, sem hefur gegnt starfi Umhverfisstofnunar frá árinu 2008, hefur verið ráðin aðstoðarforstjóri Landsvirkjunar.

Tekur Kristín við starfinu af Rögnu Árnadóttur sem var fyrr á árinu ráðin skrifstofustjóri Alþingis.

Þetta kemur fram í tilkynningu frá Landsvirkjun en Kristín tekur við starfinu af Rögnu Árnadóttur sem var fyrr á árinu ráðin skrifstofustjóri Alþingis.

Kristín var þaður sviðsstjóri lögfræði- og stjórnsýslusviðs Umhverfisstofnunar og var staðgengill forstjóra. Hún starfaði sem lögfræðingur í umhverfisráðuneytinu á skrifstofu laga og upplýsingamála frá 1998 til 2007.

Kristín lauk embættisprófi í lögfræði frá Háskóla Íslands árið 1998, meistaranámi í alþjóðlegum umhverfisfræðum (LUMES) frá Háskólanum í Lundi í Svíþjóð árið 2002 og LL.M. meistaragráðu í Evrópurétti við lagadeild Háskólans í Lundi árið 2003. Þá hefur hún lagt stund á stjórnunarnám við Saïd Business School í Oxford háskóla. Kristín var jafnframt um tíma stundakennari og prófdómari í námskeiðum í umhverfisrétti við háskólastofnanir á Íslandi.

Í tilkynningu segir kemur einnig fram að Kristín hafi tekið þátt í ýmsu alþjóðasamstarfi á vettvangi umhverfismála. Meðal annars sem fulltrúi Íslands í evrópsku neti ábyrgðaraðila á innleiðingu vatnatilskipunar Evrópusambandsins, evrópsku neti forstjóra evrópskra umhverfisstofnana, fulltrúi Íslands í stýrihópi um norræna umhverfismerkið Svaninn og stýrir nú vinnuhópi í Norðurskautsráðinu sem vinnur að því að draga úr losun sóts og metans (EGBMC) á norðurslóðum.