Innlent

Jónas Þór á­fram stjórnarfor­maður Lands­virkjunar

Stjórn Lands­virkjunar var skipuð á aðal­fundi í dag. Þar var einnig sam­þykkt að greiða út 1,5 milljarðs króna arð til ríkisins vegna árangursríks síðasta árs.

Jónas Þór Guðmundsson verður áfram formaður Landsvirkjunar. Fréttablaðið/Valgarður

Jónas Þór Guðmundsson verður áfram stjórnarformaður Landsvirkjunar en það var ákveðið á aðalfundi fyrirtækisins sem fram fór í dag. Fjármála- og efnahagsráðherra skipaði þar aðalmenn og varamenn í stjórn samkvæmt lögum fyrirtækisins.

Ásamt Jónasi mynda þau Álfheiður Ingadóttir (varaformaður), Jón Björn Hákonarson, Guðfinna Jóhanna Guðmundsdóttir og Gunnar Tryggvason stjórnina.

Úr stjórninni fóru Haraldur Flosi Tryggvason, Kristín Vala Ragnarsdóttir og Ragnheiður Elín Árnadóttir en þau hafa setið í stjórn fyrirtækisins frá árinu 2017.

Á fundinum var jafnframt samþykkt tillaga stjórnar um að greiddur yrði arður til ríkisins, sem er eigandi fyrirtækisins, upp á 1,5 milljarð. Hagnaður Landsvirkjunar í fyrra nam 11,2 milljörðum króna samanborið við 6,7 milljarða árið áður. Staðan er því sterk hjá fyrirtækinu og er viðbúið að greiddur verði út meiri arður á komandi árum.

Lesa má ársskýrslu Landsvirkjunar hér.

Varamenn í stjórninni eru Jens Garðar Helgason, Ragnar Óskarsson, Ásta Pálmadóttir, Hákon Hákonarson og Arna Ír Gunnarsdóttir.

Athugasemdir

Auglýsing
Auglýsing

Tengdar fréttir

Innlent

Landsvirkjun eykur hagnað sinn umtalsvert

Stjórnsýsla

Fá sextán þúsund á tímann í kjararáði

Innlent

Seðla­bankinn greip inn í gjald­eyris­markaðinn

Auglýsing

Nýjast

Gjald­eyris­söfnun ekki verulegur á­hrifa­þáttur

Níu milljóna gjald­þrot pítsu­staðar

Bankarnir stæðu af sér mikil áföll

Sam­keppnis­yfir­völd harð­orð í garð Isavia

Festi hækkar afkomuspá sína

Úr­vals­vísi­talan lækkaði og krónan veiktist

Auglýsing