Markaðurinn

Jón hættir í stjórn Refresco í lok mánaðarins

Jón Sigurðsson hefur setið í stjórn Refresco frá apríl 2009.

Jón Sigurðsson mun hætta í stjórn evrópska drykkjaframleiðandans Refresco Group í lok mánaðarins eftir níu ára stjórnarsetu. Gert er ráð fyrir að yfirtaka fjárfestingarsjóðanna PAI Partners og British Columbia Investment Management á drykkjaframleiðandanum gangi í gegn 29. mars.

Um leið munu fimm stjórnarmenn stíga til hliðar, en tveir munu eiga áfram sæti, að því er fram kom á hluthafafundi Refresco í síðustu viku.

Jón er stjórnarformaður eignarhaldsfélagsins Stoða sem fer með 8,9 prósenta hlut í Refresco. Félagið mun við yfirtökuna selja allan eignarhlut sinn fyrir um það bil 144 milljónir evra sem jafngildir um 17,7 milljörðum króna.

Laun Jóns fyrir stjórnarsetuna í Refresco hækkuðu um ríflega sex prósent á síðasta ári og námu 55.800 evrum, sem jafngildir 6,8 milljónum króna, borið saman við 52.500 evrur árið 2016.

Athugasemdir

Auglýsing
Auglýsing

Tengdar fréttir

Innlent

​Munu verja krónuna gegn útstreymi aflandskróna

Innlent

Við­skipta­hraðlinum Til sjávar og sveita komið á fót

Markaðurinn

Iceland Seafood vill á aðalmarkað Kauphallar

Auglýsing

Nýjast

Brunaútsala á öllu flugi hjá WOW

Mentis réttur eigandi að hlut í RB

Hreint styrkir Votlendissjóð á afmælisdaginn

Ásmundur setur Bríeti á laggirnar

Helga Hlín segir sig úr til­nefningar­nefnd VÍS

Vextir Seðla­bankans ó­breyttir

Auglýsing