Jóhann Friðrik Friðriksson hefur verið ráðinn nýr framkvæmdastjóri Keilis, miðstöðvar vísinda, fræða og atvinnulífs. Hjálmar Árnason, sem gegnt hefur starfi framkvæmdastjóra, lætur af störfum í sumar eftir 12 ára starf.

Jóhann lauk BA prófi í heilbrigðisvísindum og meistaraprófi í lýðheilsuvísindum frá Arnold School of Public Health við University of South Carolina og hefur starfað sem fagstjóri sálfélagslegra þátta hjá Vinnueftirlitinu,

Einnig starfaði hann sem vísindamaður við taugalæknadeild og lýðheilsudeild sama skóla og stjórnandi klínískra og akademískra rannsóknateyma.

Hann er búsettur í Reykjanesbæ ásamt fjölskyldu sinni, þar sem hann gegnir embætti forseta bæjarstjórnar Reykjanesbæjar.

Keilir var stofnaður vorið 2007 og hefur aðsetur á Ásbrú í Reykjanesbæ á fyrrum varnarsvæði bandaríska hersins. Keilir er alhliða menntafyrirtæki í eigu háskóla, fyrirtækja og almannasamtaka.