Innlent

Íslensk flugfélög geta samið um Síberíuflugleiðina

Íslensk flugfélög geta nú samið um Síberíuflugleiðina svokölluðu.

Kaup Icelandair á flugfélaginu Wowair vöktu mikla athygli. Fréttablaðið/GVA

Þann 8. nóvember sl. fór fram reglubundið samráð íslenskra og rússneskra stjórnvalda í Moskvu um tvíhliða viðskiptamál ríkjanna. Á fundinum kom fram að rússnesk stjórnvöld geri ekki lengur kröfu um að íslenskir flugrekendur sem vilja nota Síberíuflugleiðina haldi jafnframt uppi beinu áætlunarflugi til áfangastaðar í Rússlandi. Er um að ræða árangur af viðræðum íslenskra og rússneskra stjórnvalda um skilmála rússneskra yfirvalda fyrir yfirflug íslenskra flugvéla yfir Síberíu sem staðið hafa um nokkurt skeið, að því sem fram kemur á vef Stjórnarráðsins.

„Hingað til hafa skilmálar rússneskra stjórnvalda verið mjög strangir og þannig komið í veg fyrir að íslensk flugfélög gætu samið um notkun Síberíuflugleiðarinnar. Með þessari ákvörðun hefur að vissu marki verið greitt fyrir viðræðum íslenskra flugfélaga við viðkomandi aðila um notkun Síberíuflugleiðarinnar. Íslensk flugfélög sem vilja fá leyfi til yfirflugs munu núna þurfa að semja um yfirflugsgjöld við viðkomandi aðila til að geta hafið flug til Asíu yfir Rússland,“ segir á vef Stjórnarráðsins. 

Á umræddum fundi íslenskra og rússneskra stjórnvalda, sem haldinn var í Moskvu, var lögð áhersla á að rússnesk stjórnvöld komi til móts við íslenska matvælaútflytjendur og leiti lausna á innflutningsbanni þeirra vegna þátttöku Íslands í þvingunaraðgerðum vestrænna ríkja í kjölfar átaka í Úkraínu og innlimunar á Krímskaga árið 2014. „Gagnaðgerðir rússneskra stjórnvalda fela í sér mun víðtækara innflutningsbann á matvæli en sértækar og afmarkaðar þvingunaraðgerðir vestrænna ríkja gefa tilefni til. Þá var rætt um aukin viðskipti á öðrum sviðum og því fagnað sérstaklega að íslensk fyrirtæki séu að hasla sér völl í hinum dreifðu byggðum Rússlands, sérstaklega í skipasmíðum og hátækni.“

Athugasemdir

Auglýsing
Auglýsing

Tengdar fréttir

Innlent

Líkur á að Icelandair semji

Flugfélög

Úlfar kaupir fyrir 100 milljónir í Icelandair

Innlent

Icelandair kaupir WOW air

Auglýsing

Nýjast

Yfir 5 prósenta hækkun á bréfum Icelandair

Bankaráð vill frekari frest vegna Samherjamálsins

Þrjár til liðs við Samtök atvinnulífsins

Fjárfesta fyrir 6,2 milljarða króna í Alvotech

Veitinga­markaðurinn leitar jafn­vægis

Ágústa, Geir og Hulda bætast við hluthafahópinn

Auglýsing