Ind­verjar hyggjast þiggja boð Rússlands um kaupa hrá­olíu og aðrar vörur á af­slætti, sam­kvæmt frétta­stofu Reu­ters.

„Rúss­land er að bjóða hrá­olíu og aðrar vörur á miklum af­slætti og við myndum taka við þeim með glöðu geði,“ er haft eftir ó­nefndum em­bættis­manni hjá ind­verska ríkinu á vef Reuters. Um 80% af allir olíu á Indalndi er innflutt. Unnið er að því að leysa úr trygginga­málum og finna geymslu­stað en þegar því er lokið má reikna með því að kaupin gangi í gegn.

Hingað til hefur um 2 til 3 prósent af allri olíu á Ind­landi komið frá Rúss­landi en þar sem olíu­verð hefur hækkað um 40% á þessu ári reynir ríkisstjórnin nú að finna ó­dýrari olíu.

Joe Biden til­kynnti í síðustu viku að Banda­ríkin ætlaði að banna inn­flutning á olíu frá Rúss­landi eftir inn­rás þeirra í Úkraínu en olíu­iðnaðurinn í Rúss­landi er afar mikil­vægur fyrir efna­hag landsins.