Innlent

Icewear opnar verslun í Smára­lind

​Icewear opnar í dag nýja verslun í Smára­lind en um er að ræða þá fyrstu sem fyrir­tækið opnar í verslunar­mið­stöð á höfuð­borgar­svæðinu. Verslunin verður rekin undir nafni Icewear Maga­sín, en fyrir rekur Icewear þrjár verslanir undir merkjum Icewear Maga­sín.

Úr nýrri verslun Icewear í Smáralind. Mynd/Icewear

Útivistarfatnaðarfyrirtækið Icewear opnar í dag nýja verslun í Smára­lind en um er að ræða þá fyrstu sem fyrir­tækið opnar í verslunar­mið­stöð á höfuð­borgar­svæðinu. Verslunin verður rekin undir nafni Icewear Maga­sín, en fyrir rekur Icewear þrjár verslanir undir merkjum Icewear Maga­sín.

Í til­kynningu segir að Icewear Maga­sín verslunin í Smára­lind skeri sig frá öðrum verslunum Icewear í vöru­úr­vali og þar sé einnig að finna úr­val af öðrum vöru­merkjum sam­hliða Icewear. Má þar nefna merki eins og skandinavíska fram­leiðandann Hel­ly Han­sen, á­samt ítölsku úti­vistar­merkjunum Salewa og Asolo.

„Það er mjög stórt skref fyrir okkur að opna Icewear Maga­sín verslun í Smára­lindinni sem hefur verið í mikilli sókn undan­farið. Við viljum þjónusta ís­lenska markaðinn vel og við vitum að Smára­lind er staður þar sem Ís­lendingum finnst gaman að versla. Úr­valið af verslunum og þjónustu þar er frá­bært og okkur hlakkar til að vera hluti af þeim góða hóp,“ er haft eftir Aðal­steini Páls­syni, fram­kvæmda­stjóra Icewear, í tilkynningunni.

Icewear hefur um ára­bil fram­leitt úti­vistar­fatnað, fylgi­hluti og gjafa­vörur og á rætur sínar að rekja aftur til ársins 1972.

Athugasemdir

Auglýsing
Auglýsing

Tengdar fréttir

Innlent

WOW til Vancouver

Innlent

Erfitt að taka þátt í „þessari svo­kölluðu byltingu“

Alþingi

Erlend félög fælast mikinn kostnað

Auglýsing

Nýjast

Mesta dagshækkun í meira en tvö ár

Minni hagnaður Ryanair

IFS spáir tekjuvexti hjá Símanum

Ný byggð rís yst á Kársnesi

Að geta talað allan daginn hentar vel

Sím­­inn fagn­­ar nið­ur­stöð­u Hæst­a­rétt­ar í máli gegn Sýn

Auglýsing