Mesta verðbreytingin í Kauphöllinni í dag var á hlutabréfum í Icelandair. Flugfélagið lækkaði um 3,63 prósent í 247 milljóna króna viðskiptum. 

Næst á eftir Icelandair kom Síminn sem lækkaði um 1,26 prósent í 118 milljóna króna viðskiptum. Aðrar verðhreyfingar voru innan einnar prósentu en úrvalsvísitalan hafði lækkað um 0,33 prósent þegar markaðinum var lokað.

Haga lækkuðu um 0,67 prósent en eins og greint var frá á vef Fréttablaðsins í dag telur Capacent að bréfin séu undirverðlögð um 23 prósent. 

Sjá einnig: Telja Haga undirverðlagða um 23 prósent

Þá hefur gengið veikst um 0,14 prósent gagnvart evrunni, 0,42 prósent gagnvart Bandaríkjaval og 0,18 prósent gagnvart pundinu.