Ítalía

Í verk­fall vegna Ron­aldo-kaupanna

Starfsmenn hjá Fiat Chrysler eru ekki sáttir við kaup Juventus á Cristiano Ronaldo en sami eigandi er að báðum fyrirtækjum.

Alfa Romeo í smíðum í verksmiðju Fiat Chrysler.

Starfsfólk hjá bílaframleiðandanum Fiat Chrysler á Ítalíu ráðgerir að fara í verkfall sökum þess að stærsti hluthafi fyrirtækisins, sem er einnig stærsti hluthafi knattspyrnufélagsins Juventus, ákvað að greiða 112 milljónir evra fyrir Cristiano Ronaldo. 

Juventus og Fiat Chrysler er báðum stjórnað af Agnelli-fjölskyldunni í gegnum eignarhaldsfélagið Exor og lítur verkalýðsfélag starfsfólksins hjá Fiat Chrysler svo á að minna fjármagni verði varið í starfsemi bílaframleiðandans, að því er breska ríkisútvarpið greinir frá. 

Verkalýðsfélagið sem sumir starfsmanna fyrirtækisins tilheyra, segir að tryggja þurfi framtíð þúsunda starfsmanna frekar en að „auðga aðeins einn“. Óviðunandi sé að starfsmenn þurfi að færa „gríðarmiklar efnahagslegar fórnir“ á sama tíma og tugum milljónum evra er varið í kaup á leikmanni.

Boðað hefur verið til verkfalls í verksmiðju einni í suðurhluta Ítalíu en ólíklegt þykir að það hafi teljandi áhrif á rekstur Fiat Chrysler sem rekur fjölda verksmiðja.

Ronaldo gekk til liðs við Juventus á þriðjudaginn og hefur þeirri spurningu verið velt upp hvort að kaupverðið hafi verið of hátt. Rob Wilson, sérfræðingur í knattspyrnufjármálum, segir hins vegar í samtali við breska ríkisútvarpið að fjárhagslegur ávinningur Juventus verði nægilega mikill til að dekka kaupverðið og launagreiðslurnar. Tækifærin í markaðssetningu muni ein og sér duga langt.

Athugasemdir

Auglýsing
Auglýsing

Tengdar fréttir

Innlent

Heilbrigði verður að vera smá nautn

Innlent

Hagnaður TM dróst saman um 78 prósent

Innlent

Afkoma af fjárfestingum Sjóvár undir væntingum

Auglýsing

Nýjast

Sakfelldir í Icelandair-innherjamáli

Heimilin halda að sér höndum

Skotsilfur: Ofsinn

Magnús Óli endurkjörinn formaður FA

Seldi Íslendingum fasteignir á Spáni fyrir 1,2 milljarða

Arion lækkaði um 2,6 prósent í kjölfar uppgjörs

Auglýsing