Þar sem samkomulag milli Icelandair Group og helstu hagaðila liggur ekki fyrir í dag líkt og félagið gerði ráð fyrir hefur hlutafjárútboði Icelandair verið frestað fram í ágúst. Búist er við að samkomulag milli alla aðila verði náð í júlí.

Félagið hafði áður tilkynnt er samkomulag við helstu hagaðila Icelandair Group forsenda þess að félagið geti hafið fyrirhugað hlutafjárútboð og lokið við fjárhagslega endurskipulagningu félagsins.

Icelandair Group hefur fengið jákvæð viðbrögð frá meginþorra kröfuhafa sem hafa lýst yfir vilja til að vinna með félaginu að því er fram kemur í tilkynningu frá Icelandair. Nýlega var samið voru langtímasamningar undirritaður við stéttafélög flugmanna, flugfreyja og flugþjóna sem og flugvirkja.

„Samningaviðræður við nokkra lykilaðila standa aftur á móti enn yfir. Á meðal þeirra eru flugvélaleigusalar og færsluhirðir. Félagið á jafnframt enn í samningaviðræðum við Boeing um frekari bætur vegna kyrrsetningar MAX vélanna og afhendingar véla sem enn eru útistandandi samkvæmt samningi,“ segir í tilkynningunni.

„Samningaviðræður við þessa aðila hafa þokast áfram á undanförnum vikum og gætu skilað niðurstöðu á næstu dögum haldi viðræðurnar áfram á uppbyggilegum nótum.“

Náist samkomulag í júlímánuði verður hlutafjárútvoð hafið í ágúst. „Fari svo að samningaviðræður skili ekki tilætluðum árangri, mun félagið þurfa að ljúka fjárhagslegri endurskipulagningu án aðkomu íslenskra stjórnvalda. Slíkt ferli gæti tekið allt að tólf mánuði og á meðan á því stæði þyrfti félagið að fresta öllum greiðslum til fjármögnunaraðila félagsins.“

Handbært fé Icelandair Group er nú um 150 milljónir Bandaríkjadala, sem nemur tæplega 21 milljarðs íslenskra króna, sem er umfram þriggja mánaða rekstrarkostnað miðað við núverandi aðstæður.