Erlent

Hlutabréf í Asos falla um 11 prósent

Asos er ein vinsælasta netverslun Bretlands en hún nýtur einnig mikilla vinsælda á Íslandi. Fréttablaðið/EPA

Hlutabréf í Asos lækkuðu um meira en tíu prósent í verði eftir að breska netverslunin sagði að söluvöxtur ársins yrði líklega við neðri mörk spár stjórnenda verslunarinnar.

Stjórnendur Asos hafa spáð 25 til 30 prósenta söluvexti í ár en til samanburðar jókst salan um 22 prósent í mars, apríl, maí og júní. Nam hún alls 823,9 milljónum punda, sem jafngildir um 117 milljörðum króna, á þessum fjóru mánuðum.

Í tilkynningu frá netversluninni, sem selur meðal annars fatnað, fylgihluti og skó, kemur fram að sala hafi farið vel af stað á yfirstandandi sölutímabili og verði að öðru óbreyttu í takt við áætlanir félagsins. Hins vegar sé útlit fyrir að salan fyrir árið í heild verði í neðri mörkum spár stjórnendanna.

Í kjölfarið lækkaði gengi hlutabréfa í Asos um 11 prósent en það hefur hækkað um 13 prósent á undanförnum tólf mánuðum.

Vöxtur Asos hefur verið ör á síðustu árum en hefðbundnir smásalar hafa þurft að hafa sig alla við til þess að bregðast við vaxandi umsvifum netverslana og breyttri hegðun neytenda.

Greinendur búast við því að breska netverslunin skili hagnaði upp á 101 milljón punda, sem jafngildir 14,3 milljörðum króna, á árinu en til samanburðar nam hagnaður verslunarinnar 80 milljónum punda í fyrra.

Sofie Willmott, greinandi hjá GlobalData, segir í samtali við breska ríkisútvarpið að það verði „krefjandi verkefni“ fyrir Asos að viðhalda svo miklum vexti og raun ber vitni. Félagið verði að halda áfram að brydda upp á nýjungum til þess að halda forystuhlutverki sínu á markaðinum fyrir fatnað á netinu.

Athugasemdir

Auglýsing
Auglýsing

Tengdar fréttir

Erlent

Fyrsti bjórinn sem er bruggaður úr kannabis

Erlent

Leigusalar í mál við House of Fraser

Erlent

Telia kaupir Bonnier fyrir 106 milljarða króna

Auglýsing

Nýjast

Erlendir sjóðir fjárfestu fyrir 420 milljónir króna í Takumi

Vilhjálmur með hálfan milljarð í eigið fé

170 milljónir farið í styrk­veitingar vegna „Brot­hættar byggðar“

Lág­gjalda­flug­fé­lögin í Evrópu sýna tennurnar

Stjórnendur stálrisa sóttir til saka

Minni fólksfjölgun á milli ára

Auglýsing