Hjörtur Júlíus Hjartarson hefur verið ráðinn til starfa sem mannauðsráðgjafi í mannauðsdeild Hrafnistuheimilanna.

Hjörtur er nýkominn með meistarapróf í mannauðsstjórnun auk undirgráðu í stafrænni markaðssetningu frá EAE Business School í Barselóna. Í námi sínu lagði hann áherslu á jákvæða sálfræði, markþjálfun og kjaramál. Fyrir er Hjörtur með meistarapróf í blaða- og fréttamennsku.

Hann vann lokaverkefni sitt í mannauðsstjórnun í samvinnu við Vodafone og fjallaði þar um innleiðingu sveigjanlegs vinnutíma hjá fyrirtækinu. Hann kannaði hvaða áhrif sveigjanlegur vinnutími hefur á líf fólks, hvort sem um ræðir í vinnu eða einkalífi. Hann hefur þá víðtæka stjórnunarreynslu frá fyrri störfum sínum sem deildarstjóri, vaktstjóri, ritstjóri og umsjónarmaður ýmissa þátta í útvarpi og sjónvarpi.