Helena Kristín Brynjólfsdóttir hefur verið ráðin sérfræðingur í fjárfestatengslum og viðskiptaþróun hjá Akta sjóðum. Hún hefur þegar hafið störf. Þetta kemur fram í frétt á vef Viðskiptablaðsins.

Helena kemur til Akta frá Íslandsbanka, en þar hafði hún verið verðbréfamiðlari frá árinu 2019. Áður hafði hún starfað hjá Bakkavör í stefnuþróun og í verðbréfauppgjöri Arion banka.

Helena lauk B.Sc. gráðu í alþjóðaviðskiptafræði frá Loyola University Chicago árið 2018 með áherslu á hagfræði, stjórnmálafræði og viðskipti. Þá lauk hún prófi í verðbréfaviðskiptum árið 2020.