Markaðurinn

Heiðar kaupir fyrir 99 milljónir í Sýn

Stjórnarformaður Sýnar hefur bætt við sig hátt í 1,5 milljónum hluta í félaginu á genginu 67,63 krónur á hlut.

Heiðar Guðjónsson, fjárfestir og stjórnarformaður Sýnar Gunnar V. Andrésson / GVA

Heiðar Guðjónsson, stjórnarformaður Sýnar, hefur bætt við sig hlutum í félaginu fyrir jafnvirði 98,9 milljónir króna, daginn eftir að félagið birti uppgjör fyrir fyrsta fjórðung ársins.

Í flöggunartilkynningu til Kauphallarinnar kemur fram að Ursus, fjárfestingafélag Heiðars, hafi keypt 1.462.334 hluti í Sýn á genginu 67,63 krónur á hlut. Eftir viðskiptin á Ursus tæplega 20,4 milljónir hluta í félaginu eða sem jafngildir nærri 6,9 prósenta eignarhlut. Er hluturinn metinn á um 1.370 milljónir króna samkvæmt núverandi gengi hlutabréfa í Sýn.

Ursus er fimmti stærsti hluthafi félagsins.

Hlutabréf Sýnar hafa lækkað um 2,3 prósent í verði í um 215 milljóna króna viðskiptum í dag. Hagnaður félagsins á fyrsta fjórðungi ársins nam 56 milljónum króna og dróst saman um 72 prósent á milli ára. Leiðrétt fyrir einskiptisliðum vegna kaupanna á tilteknum eignum og rekstri 365 miðla var hagnaður tímabilsins 150 milljónir króna sem er 33 prósenta lækkun frá sama tímabili í fyrra.

Athugasemdir

Auglýsing
Auglýsing

Tengdar fréttir

Innlent

Vilhelm Már ráðinn forstjóri Eimskips

Erlent

Banka­stjórinn biður Malasíu­búa af­sökunar

Innlent

Björg­ólfur Thor fjár­festir í bresku tækni­fyrir­tæki

Auglýsing

Nýjast

Hækka verð­mat sitt á Skeljungi lítil­lega

Minni eignir í stýringu BlackRock

Hall­dór Brynjar í eig­enda­hóp LOGOS

Hlutabréf í Icelandair hækka um 3,4 prósent

Verðbólga ekki lægri í Bretlandi í tvö ár

Vofa góðra stjórnarhátta

Auglýsing