Innlent

Hefja veitingu brúarlána

Fjártæknifyrirtækið Framtíðin hefur veitingu brúarlána.

Valgerður Halldórsdóttir er framkvæmdastjóri Framtíðarinnar.

Fjártæknifyrirtækið Framtíðin hefur hafið veitingu brúarlána, sem nýtast í aðstæðum þar sem fest eru kaup á nýju húsnæði áður en eldra húsnæði er selt. Brúarlán er tímabundið húsnæðislán með veði í eldra húsnæði og gagnast sem útborgun við kaup á nýrri eign. 

Í tilkynningu segir að lánin séu veitt til þriggja mánaða, með möguleika á framlengingu til allt að tólf mánaða. Það greiðist að fullu til baka um leið og eldri eignin er seld með fjármagninu sem fast var í gömlu eigninni.

„Stundum þarf að bregðast hratt við þegar draumaeignin kemur skyndilega á sölu. Með brúarláni fær kaupandinn forskot á aðra sem eru að bjóða í sömu eign, því sá sem er með brúarlán getur boðið háa útborgun strax á meðan sá sem ætlar að selja sína eign fyrst býður litla útborgun, en meira síðar þegar eignin er seld. Þetta getur ráðið úrslitum um það hvort tilboð er samþykkt eða ekki. Þá þarf kaupandinn heldur ekki að að stökkva á fyrsta tilboðið sem hann fær í gömlu eignina til að klára kaupin á nýju eigninni,“ segir Valgerður Halldórsdóttir, sem tók við sem framkvæmdastjóri Framtíðarinnar á dögunum.

Athugasemdir

Auglýsing
Auglýsing

Tengdar fréttir

Innlent

​Munu verja krónuna gegn útstreymi aflandskróna

Innlent

Við­skipta­hraðlinum Til sjávar og sveita komið á fót

Innlent

Mentis réttur eigandi að hlut í RB

Auglýsing

Nýjast

Iceland Seafood vill á aðalmarkað Kauphallar

Brunaútsala á öllu flugi hjá WOW

Hreint styrkir Votlendissjóð á afmælisdaginn

Ásmundur setur Bríeti á laggirnar

Helga Hlín segir sig úr til­nefningar­nefnd VÍS

Vextir Seðla­bankans ó­breyttir

Auglýsing