Innlent

Hefja upp­byggingu hótels á Ís­lands­bankareit

Ís­lands­hótel munu í sumar hefja upp­byggingu fjögurra stjörnu hótels við Ís­lands­bankareit við Lækjar­götu. Um er að ræða 125 her­bergja hótel auk veitinga­staðar.

Tölvuteikning af fyrirhuguðu hóteli á Íslandsbankareitnum við Lækjargötu. Íslandshótel

Íslandshótel munu á næstunni hefja uppbyggingu á fjögurra stjörnu hóteli við Lækjargötu á reitnum þar sem hús Íslandsbanka stóð um árabil. 

Um er að ræða 125 herbergja hótel auk veitingastaðar. Ólafur D. Torfason, stjórnarformaður Íslandshótela, undirritaði samning við TVT um byggingarstjórn á reitnum. 

Áætlað er að framkvæmdir við uppsteypu hefjist í sumar og að framkvæmdunum verði lokið um mitt ár 2020.

„Fullt tillit hefur verið tekið til staðsetningar og umhverfis í öllu ferlinu. Þess má geta að fornleifarannsóknir á vegum Minjastofnunar Íslands og Fornleifastofnunar Íslands hafa leitt í ljós mannvirki frá 10. öld en talið var í fyrstu að eingöngu væri að finna þarna minjar frá 18. og 19. öld.

Gestir hótelsins munu því geta skyggnst inn í fortíðina á meðan á dvöl þeirra stendur en Íslandshótel hefur um langt skeið átt í góðu samstarfi við Minjastofnun Íslands og Borgarsögusafn tengt öðrum hótelum innan keðjunnar,“ segir í tilkynningu frá Íslandshótelum sem eiga og reka 18 hótel og fasteignir víða um land.

Guðmundur K. Kjartansson og Ólafur Sæmundsson frá TVT ehf. Á milli þeirra er Ólafur D. Torfason stjórnarformaður Íslandshótela hf. Íslandshótel
Hús Íslandsbanka var rifið niður í fyrra. Fréttablaðið/Anton Brink

Athugasemdir

Auglýsing
Auglýsing

Tengdar fréttir

Innlent

Hagnaður Ís­lands­hótela dróst saman um 57 prósent

Innlent

Nýsköpunarsjóður atvinnulífsins seldi fyrir 690 milljónir

Fjártækni

Fjár­­tæknin leggi hefð­bundna banka­­þjónustu af

Auglýsing

Nýjast

Erlent

Kusu gegn vantrausti á stjórnarformanninn

Innlent

Sam­keppnis­eftir­litið að verða ríki í ríkinu

Innlent

Einn stofnenda Heimavalla færði bréf á milli félaga

Innlent

Hampiðjan skoðar kaup á spænsku félagi

Innlent

Líkur á að krónan verði áfram sterk

Viðskipti

Bréfin lækkuðu um 11 prósent frá útboðsgengi

Auglýsing